XA ESTAMÓS AQUÍ!!!

Non o imos a negar, xaneiro é un mes duro. Despois de dúas semanas longas de merecido descanso custa volver á rutina, aos madrugóns, aos “veña, que chegamos tarde”…

O elfo de Guláns sábeo e por iso deixa un agasallo en cada clase, para que comecemos o trimestre con ilusión.

En 5º de primaria estrearon “Anomia”, un xogo de combate verbal que pon a proba a rapidez, o vocabulario e os reflexos de xogadores e xogadoras. Ademais, é moi divertido!

No Feliciano Barrera seguimos apostando, tamén este 2026, polo xogo como ferramenta de aprendizaxe e de convivencia.

NADAL 2025

 

Primeiro día de merecido descanso no Feliciano Barrera!

É un bo momento para agradecervos a todos e a todas a vosa compaña o pasado venres no noso xa tradicional Festival de Nadal.

Como sempre, os nenos e nenas dérono todo no escenario. Desde a mellor sopa do mundo, que nos preparou educación infantil, ata a artística ilusión óptica de 6º de primaria, que aínda nos ten abraiados e abraiadas.

Todas e cada unha foron actuacións marabillosas! Un fermoso traballo en equipo coordinado pola incansable profe Neli!

Por último, como non, agradecer a coloración da ANPA San Xulián para sacar adiante esta inesquecible xornada de convivencia.

A toda a nosa familia educativa: Felices Festas!!!

Bo Nadal desde a biblioteca de Leo León!!

 Grazas ao alumnado e ás familias polos adornos para a árbore da nosa biblioteca.

VOLVE A CASA POLO NADAL

 

Chegou decembro e, con el, o Elfo de Guláns.

Todo o mundo sabe o moito que queremos ao noso elfo. Vén cada Nadal para enchernos de alegría, para traer agasallos, para facernos rir cos seus bailes...

Pero como nada nesta vida é de balde, tamén vén cada ano para coarse pola noite no colexio e facer todo tipo de trasnadas.

En educación infantil esperan cada día de decembro con estusiasmo e curiosidade. Onte mesmo montaron á arbore para que o elfo estea como na súa casa.

De momento temos unha carta súa. Seguiremos informando!!!

A biblioteca en Nadal

Un ano máis, a bilioteca encheuse de adornos feitos polos nenos e nenas do cole. O ambiente durante o mes de decembro foi moi cálido e acolledor na biblioteca do noso cole. Todo o alumnado do cole estaba moi orgulloso da nosa árbore de Nadal

NADAL EN PRÁCTICAS

 

Tiña que pasar! Non o queriamos admitir, pero ocorreu do todos os xeitos: ao mundo máxico e marabilloso dos elfos e das elfas chegou a burocracia!

Nun divertidísimo espectáculo, Noelia, ex alumna do colexio, explicounos o duro proceso que hai que superar para chegar a ser elfo ou elfa certificado. Pero mellor non facer spoiler, que seguro que vos apetece asistir ao espectáculo o xoves, 26 de decembro, en Ponteareas!

Como sempre, agradecemos á ANPA San Xulián a súa achega económica para poder traer o espectáculo ao centro. É unha de tantas cousas que nos poderiamos facer sen a vosa axuda!

Caixas para o Nadal

Na clase de 5º e 6º, estivemos decorando caixas para o Nadal.

Empregamos caixas de zapatos e quedaron moi chulas. Decorámolas con vellas partituras e moitas cintas de distintas cores.

Agora xa sabedes como se fan estas fermosas caixas navideñas.

Animádevos e facede unha na vosa propia casa.

Himmelis. De Galicia a Finlandia

Este martes, os nenos e nenas de 6º fixemos uns adornos de Nadal típicos de Finlandia.

Chámanse Himmelis, son octaedros feitos con palla e póñenos nas casas para atraer a boa sorte.

Rímonos moito facéndoos. Recomendámosvolo. É moi divertido.

Festival de Nadal 2023

 

Nadal na biblioteca

 A bilioteca luciu moi bonita grazas á axuda de todo o alumnado do cole que fixo posible todos os adornos  da árbore de Nadal.

Agasallos do Elfo de Guláns e Leo León.

 Sorpresa!!!

Así da gusto volver das vacacións. Desde 4º de Infantil ata 6º de Primaria, tódolos nenos e nenas do colexio recibiron unha bonita sorpresa. Nas aulas atoparon agasallos para compartir: xogos, quebracabezas, materiais para manuealidades... O Elfo de Guláns e Leo León aliáronse para ofrecer un último escintileo de maxia este Nadal. Comezamos o ano con moita enerxía!

Recomendacións lectoras de Nadal 2023

Recomendacións lectoras para este Nadal de Leo león:

Agasallo de Nadal a todas as aulas na biblioteca

Sorpresa na árbore de Nadal da biblioteca. Leo León e o Elfo de Guláns non se esqueceron de nós: cada curso ten un novo xogo de aula! 

 

Nadal na biblioteca

Este ano a nosa biblioteca estrenou decoración. Primeiro, os nenos e nenas de todo o cole adornaron a árbore con bolas feitas de diferentes materiais , formas e tamaños. Despois mercamos unha variada decoración de Nadal que fixo as delicias de todos os nenos e nenas. A nosa biblioteca está a converterse nun lugar moi cálido, cheo de cor e moi divertido onde aos nenos e nenas lles encánta reunirse a xogar, falar e ler.

Resumo do Nadal

Dende o cole queremos desexarvos un Bo Nadal. Aquí tedes unha pequena recopilación das actividades feitas este Nadal.  

Taller de biblioteca creativa.

Con novos materiais condutores de electricidade creamos un novo proxecto que se atopa entre a arte e a tecnoloxía. Trátase de integrar, de xeito creativo, compoñentes electrónicos en papel, para facelo interactivo e atractivo, demostrando o valor pedagóxico da cultura maker na aula. Para iso, utilizamos cinta adhesiva condutora de cobre, pila de botón, luces led e papel. E así construímos un circuíto led adhesivo, sen soldar nin enchufar cables.

FESTIVAL DE NADAL

O xoves 22 ás 10:30 temos o pracer de convidarvos ao Festival de Nadal que terá lugar no Centro Cultural de Guláns. 

Preparádevos porque este ano hai moita marcha!

  

Concerto da Orquestra Pedra da Auga

 Este mércores estades convidados ao concerto da Orquestra Pedra da Auga do IES Pedra da Auga no centro Cultural de Guláns. 

3ª xornada do concurso de construcións Leo León

 

2ª xornada do concurso de construcións Leo León