ACTIVIDADE "O BOSQUE ATLÁNTICO"

 

O bosque atlántico é un dos máis diversos e ricos do planeta. Podemos atopalo en América do Sur e nalgunhas zonas de Europa como o norte de España, Portugal, Francia, Bélxica…

En Galicia aos bosques atlánticos chamámoslles fragas e temos algunhas que son marabillosas e mundialmente recoñecidas.

O venres pasado o alumnado de 5º e 6º de primaria asistiu a un Obradoiro de Educación Ambiental no que aprenderon a valorar a biodiversidade da nosa zona, que é impresionante. Tamén lles axudaron a recoñecer os beneficios das especies autóctonas respecto a especies invasoras.

O formato da actividade, que combinou exposición e xogo, resultou moi atractivo e ameno para todos e todas.

Moitas grazas pola visita!!!

SAÍDA POLOS MUÍÑOS DA CONTORNA

 A finais do mes de abril puidemos gozar dun marabilloso día de excursión polos muíños de Guláns e tivemos a sorte da nosa parte, pois Pedro, o papa de Martiño puido acompañarnos e Alberto puido axudarnos a ver como funciona un muiño de verdade, con millo e todo!

Moitisimas grazas pola vosa axuda e colaboración!

FAMILIAS DE INFANTIL NA ESCOLA

 Aquí vos deixamos un pequeno vídeo amosando algunhas das familias que participan no día a día da nosa aula. Coma sempre é un pracer contar con vós.

Os nenos, nenas e profes dámosvos as GRAZAS!

FAMILIAS NA ESCOLA

FACENDO XABÓN

O luns 3 de febreiro, estivemos aprendendo e a falando sobre as tres R: reutilizar,  reciclar e reducir .

Foi una experiencia moi divertida e emocionante.

Aprendemos moito sobre produtos de limpeza e tamén aprendemos a facer xabón caseiro con  aceite usado.

Querémoslle dar as grazas a "Ponte a zero " por ser tan amables con nós, por facernos rir e por ensinarnos esas combinacións que poden poñer en perigo a nosa vida nuns segundos.

Moitas grazass!!!!

Rede galega de promoción da saúde

O martes 10 de decembro, viñeron Marta e Iria a explicarnos cousas sobre a promoción de saúde.

Fixéronnos un test para ver cantas cousas sas faciamos ... a verdade é que non moitas, pero tampouco poucas.

 

Pasamos un tempo agradable con elas e aprendemos moito sobre os bos hábitos e a relación coa nosa saúde.

Todas e todos contamos

O martes viu ao cole a asociación IgualArte.

Fixemos moitas actividades:

- Infantil tivo contacontos.

- 1º, 2º, 3º e 4º tiveron un teatro.

- 5º e 6º fixemos instrumentos oe tocamos. Tambores (que estaban feitos de caldeiros decorados) , maracas (feitas de bebibles cheos de arroz e decorados con papeis de cores brillantes ) e caixas chinesas.

Grazas por vir a ensinarnos a facer estes instrumentos tan chulos!!

Admiramos o voso traballo. 

Grazas por escoitarnos!!!!!

       

          

Sabores de outono e un pouquiño máis

 Nesta ocasión deixamos aquí unha pequena mostra do acontecido na actividade SABORES DE OUTONO EN FAMILIA. Ademais, mostramos a visita dunha mamá que nos acercou ó DIA DOS MORTOS de México ás nosas aulas.

Tan só darvos as grazas as familias que participades no cole, cando vides ben vedes o que supón para os cativ@s a vosa presenza na escola. 

GRAZAS

Inicio de curso e un pouquiño máis 24-25

 Aquí vos deixamos un aniquiño das nosas aulas de infantil neste curso. 

Agardamos que vos guste.

VIDEO INICIO DE CURSO E UN POUQUIÑO MÁIS

Preparación do pleno infantil

Este xoves viñeron do concello para axudarnos a preparar a nosa participación no pleno infantil.

Os nenos e nenas de 5º e 6º de primaria estamos traballando para representar o mellor posible ao noso centro no Concello de Ponteareas.

Irémosvos informando!

O Peroxo

 Onte o alumnado de 3º, 4º e 5º puidemos desfrutar da maravillosa visita de Luis Chapela, que nos viu falar do seu libro "O Peroxo, un rapaz de aldea".

Nos xa coñecíamos as aventuras deste neno, o Peroxo, que ademáis de desfrutalas e de aprender delas, fixéronnos rir en moitas ocasións. 

Peroxo foi un rapaz dos anos 40/50 un pouco traste, que lle gustaba facer trasnada e saltarse o cole para ir ver a tele á taberna. O Peroxo cóntannos historias que nos recordan as historias que os nosos avós e avoas nos teñen contado, e que divertidas e canto se aprenden delas. 

O Peroxo e o seu autor deixáronnos unha boa reflexión e é que hai que cuidar e aprender dos maior, que eles son os que teñen gran parte da sabedoría.

Grazas Luis por vir visitarnos e contestar a todas as preguntas que estes curiosos alumnos e alumnas tiñan. 

MEL DE GALICIA

O pasado xoves recibimos no colexio unha doce visita. Un curso máis, Mel de Galicia enviounos a unha persoa experta para explicarnos o proceso de elaboración do mel. Terminada a charla, os nenos e nenas de primeiro de primaria quedaron completamente convencidos e convencidas de que, tanto a abella raiña, como as abellas obreiras e os abellóns son importantes para a natureza e, polo tanto, para tod@s nós. 

Grazas pola visita!

PAKOLAS, COMO MOLAS

Despois de todo un longo trimestre de traballo mereciámosnos un pouco de festa e vaia se a tivemos! Cantamos, bailamos e gozamos como ananos co noso novo rockeiro/guitarreiro favorito: Paco Cerdeira, máis coñecido como  Pakolas. 

Como sempre que organizamos un evento deste tipo, non podemos esquecer ás persoas que o fan posible. Grazas ao Centro Cultural de Guláns por cedernos o seu estupendo salón de actos e, por suposto, grazas ao ANPA San Xulián por contribuír tanto co financiamento do espectáculo. Repetimos: non sería posible sen a vosa axuda. 

Feliz fin de trimestre para todas e todos. O 11 de abril volveremos coas pilas ben cargadas!

VISIÓN E APRENDIZAXE

O martes visitounos unha optometrista da clínica Boavisión, de Vigo, cun dobre obxectivo: Por unha banda, informar ao alumnado de quinto e sexto de primaria do que deben facer para coidar a súa visión, especialmente en todo o relacionado co uso de pantallas. Por outro, formar ao profesorado acerca da estreita relación que se dá entre a visión e a aprendizaxe, facendo fincapé naqueles movementos, posturas ou actitudes que poden indicar un problema de visión nos nenos e nenas. Resultou moi interesante. Grazas a Boavisión por vir visitarnos!

Un día máxico

 Todas as nenas e nenos gozaron onte dun divertidísimo día de maxia na Casa Cultural de Guláns. Aprendemos moitos trucos. Qué divertido foi. 

Darlle as gracias a Carlos pola súa maxia e sentido do humor.

O mundo dos cogomelos

A maioría de vós xa sabedes que, este venres, Anxo deu no colexio unha charla sobre micoloxía. Como moi ben explicounos Petra, a súa filla, o seu papá ía explicar as normas dos cogomelos: que non debemos pisalos, que non debemos collelos todos… Imposible resumir nun post todo o que nos explicou Anxo no tempo que pasou connosco. Só dicirlle que a todos e todas nos encantou a súa presentación e que estamos profundamente agradecid@s pola súa visita. Volve cando queiras!