Canción dos esqueletos

Hoxe 2° estivo tocando a canción dos esqueletos 

con instrumentos de pracas e campás. 

Nótase que está preto o Samaín!

 

Pulseiras de outono

 Pulseiras de outono con lá como resultado. No proceso, o alumnado de 1º traballla ritmo, coordinación e motricidade fina. Unha actividade fantástica!

Dente de León en 1º de Primaria

O dente de león é unha planta ancestral e medicinal. 

En 1º de primaria traballaron as partes da planta e as súas funcións, as propiedades medicinais desta planta e a súa conexión co universo. 

 

Sete dentes de León de Ledicia Costas por 1º de primaria

 Coñecedes a lenda do arco da Vella?

O alumnado de 1º de Educación Primaria mediante o seu club de lectura, estiveron traballando o libro Sete dentes de león de Ledicia costas. Reelaboraron a historia coas imaxes máis significativas e desglosaron o conto que lles encantou.

Recomendan moitísimo este libro de Ledicia Costas e as ilustracións de David Sierra.

O aparato dixestivo por 6º de primaria

 Os alumnos e alumnas de 6.*º de Primaria estiveron traballando duro en clase de Ciencias para descubrir como funciona o noso corpo. A través deste traballo, investigaron o percorrido que fan os alimentos e a importancia de coidar o que comemos.

​Invitámosvos a botar unha ollada ao resultado do seu esforzo. Estamos moi orgullosos do moito que aprenderon e do ben que o plasmaron!

​Podedes ver o traballo completo aquí abaixo!

A Biblioteca de Leo León en marcha!

Despois de varias semanas de preparación e formación, por fin chegou o momento de que o alumnado de sexto, da man de Leo León, dea a benvida a todos os compañeiros e compañeiras a nosa biblioteca.

Ao longo desta xornada tan especial, puxemos en marcha o apadriñamento lector, creando parellas de padriños e madriñas e afillados e afilladas que compartirán lecturas, historias e moitos momentos especiais arredor dos libros.

Ademais, entre todos e todas, demos vida á Árbore das Lendas, un espazo no que medrarán as historias, a imaxinación e a tradición, en consonancia co proxecto do centro deste curso: Mitos e lendas. 

E as novidades non rematan aquí! As mochilas viaxeiras xa comezaron a súa andaina, levando os libros e a maxia da lectura ata os fogares para compartir novas aventuras en familia.

Así comeza unha nova viaxe polo mundo dos mitos, as lendas e a fantasía, na que cada libro será unha porta aberta a novos mundos por descubrir.

Que a maxia das historias nos acompañen durante todo o curso! ✨📚

Punto de Bookcrossing para familias

 

Xa temos no noso cole un punto de intercambio de libros dirixido para as familias do noso alumnado. É un espazo autónomo, sin necesidade de rexistro. Para participar, soamente hai que traer un libro que xa limos e levar outro para darlle unha nova oportunidade.

Animádevos a participar para facer circular a lectura!

Novo curso, novos retos...

 E como non podía ser doutra maneira, este curso Leo León propón pensar e pescudar sobre o noso proxecto de centro: Mitos e lendas.

Cada mes, teremos unha proposta nova donde o alumnado debe pescudar ou crear entorno a esta temática.

Comezamos moi creativos, inventando o noso propio ser mitolóxico. Seguro sairán creacións do máis incribles!

Volve LÓVA!!

Xa somos de sexto e seguimos co traballo da Ópera!

Os interpretes esta traballando no guión. Xa vai tomando forma. 

Deseño visual estivo facendo o mood board.Agora xa empezaron a traballar nas maquetas da escenografía.

 

Os músicos están traballando na primeira canción.

 

E nós, produción, estamos facendo esta publicación que mola mogollón.

Recomendacións literarias para o verán

  O equipo de biblioteca recomenda estes fantásticos libros para toda a comunidade educativa.

Desexámosvos unhas felices vacacións

Club Os Curriños: AS NOSAS MASCOTAS

Xa chegamos a fin de curso, e tamén ao último reto deste club: presentar as nosas mascotas! Neste Padlet que creamos poderedes coñecer aos peludiños da nosa familia. Que importantes son nas nosas vidas, e que importante é coidalos!! 

Curriño tamén atopou o seu fogar. Que tal lle irá? Esperamos poder volver noticias del algún día. Adeus!!

ELECCIÓNS NO FELICIANO BARRERA

 

Non acabamos este curso e xa estamos a pensar no seguinte!!!

Convocamos eleccións entre todo o alumnado e o profesorado do centro para seleccionar o seguinte Proxecto Anual de Centro. As primeiras propostas saíron de cada aula. Non vos imos a mentir: houbo que pasalas pola peneira porque houbo de todo… de todo… de todo…

En fin, quedaron tres opcións: “Mitos e lendas”, “Protexemos o planeta” e “Animais e plantas de Galicia”.

Os nenos e nenas de 6º de primaria prepararon todo o proceso: deseñaron papeletas, construíron unha urna, elaboraron o censo e garantiron a transparencia de votacións e no reconto.

Cal será o o noso próximo proxecto?

ÚLTIMAS

 

Estamos nas últimas e temos que recoñecelo: as últimas sesións, as últimas asembleas, as últimas enerxías…

Os nenos e nenas rebélanse, non teñen ganas de traballar e fánnolo saber de todos os xeitos posibles. Para sacar un pouco de rendemento hai que tirar de creatividade. Que queremos traballar comprensión lectora? Pois programamos xogos de mesa! Lemos como se prepara o taboleiro, consultamos as instrucións, aplicamos normas…

Sempre aprendemos xogando pero, en xuño, un pouquiño máis!!!

X CAMPIONATO DE XADREZ FELICIANO BARRERA

Xa se disputou a final do X Campionato de Xadrez Feliciano Barrera.

Se queredes saber cal foi o resultado, pasádevos o venres que vén polo Festival de Fin de Curso, que será a entrega de premios.

Só vos damos unha pista: os dous diplomas gardaranse na mesma casa!

 

FAMILIAS NA ESCOLA: LEO A

 

Cando temos un problema e non o damos solucionado, o seu é pedir axuda aos expertos e expertas.

Que podemos facer co problema das avespas velutinas? O avó e a avoa de Leo A, de educación infantil, ensinaron ao noso atento alumnado a preparar trampas para esas pequenas invasoras.

Moitas grazas pola visita e polos prácticos consellos!!!