Recomendacións lectoras de Nadal 2023

Recomendacións lectoras para este Nadal de Leo león:

Contacontos na biblioteca. Grazas Noelia!

 Sempre nos gusta recibir visitas de antigos alumnos e alumnas, pero o deste venres foi algo máis que unha visita. Noelia tocou instrumentos, contounos contos, fíxonos cantar, tocar, berrear e pasar unha mañá marabillosa!. Grazas a Noelia e a ANPA San Xulián.

A pantasma Antón

En cuarto de primaria aproveitaron a conmemoración do 25N para falar de igualdade, concretamente de igualdade á hora de encargarse das tarefas do fogar. Para iso recitaron, ilustraron e traduciron o poema “El fantasma Antonio”, de Carmen Gil. É importante dar ás tarefas domésticas o valor que teñen, sexas home, muller ou pantasma… que o castelo non se limpa só

A dragoa Sixta

Este é poema que traballaron en 3º de Primaria para a actividade “Rimas pola Igualdade”, pola conmemoración do 25N. A mensaxe principal que quixeron transmitir é que o deporte, en xeral, e o fútbol, en particular, non saben nin de xénero nin de sexo.

20 de novembro. Día mundial da infancia

 Todas as nenas e nenos elaboraron nas súas aulas unhas caixas que fan mención a diferentes dereitos da infancia. Adornáronas e agora despois dun gran traballo en equipo, gozan con elas durante os recreos na biblioteca de Leo León.

Presentamos os libros coa temática do Día da Infancia:

Educación infantil cóntanos nun podcast o libro "Ti importas" de Christian Robinson:

Biblioteca Creativa - Creación circuíto paralelo - Día da Muller

 Polo Día Internacional da eliminación da violencia contra a Muller, o alumnado de 6º de Primaria inventou varios circuítos en paralelo, para poder acender máis dunha luz cunha soa pila, e así, dar iluminación ás imaxes en papel sobre a canción "E ti, só ti ". 

Conectamos o extremo "+" dos diferentes LEDs á cara "+" da pila e os extremos "-" dos LEDs á cara "-" da pila. Así se conectan LEDs en paralelo.

Precisaron cinta de cobre, pilas de botón, LEDs e clips de pinza. Todos os modelos foron creados polo alumnado!

Exposición na biblioteca das lecturas Leo León contra a violencia de xénero:

CIENCIA EN GALEGO NAS BIBLIOTECAS ESCOLARES - I OBRADOIRO DE BIBLIOTECA CREATIVA

Este mes abordamos a Ciencia en Galego nas Bibliotecas Escolares cun primer obradoiro de Biblioteca Creativa: O circuíto sinxelo. Participou toda a Primaria. Aprendimos primeiro a crear un circuíto con cinta de cobre. Despois a coñecer os polos positivos e negativos das pilas e dos leds. Unha vez realizado o circuíto completo o led acendeu, iluminando non só o papel senon tamén os ollos das nenas e nenos. Finalmente saber comunicar o que fixeron. Bo traballo!

Novidades de novembro

 

Este curso, as novidades comezan con temáticas moi diversas:

Abordamos os dereitos con “Teño Dereitos”, lembrándonos que son o ingrediente fundamental da liberdade das persoas e das sociedades.

Poemas de Antonio García Teijeiro en “Palabras do mar” sobre os elementos mariños e os sentimentos que estes provocan, “De pombas e bolboretas” repleto de referencias á beleza natural e ao valor da convivencia. E otros autores con “Pompas de cores” e os poemas ó redor do mundo das froitas en “Macedonia de versos”.

Non nos esquecemos das importantes emocións: “Luuume!”, fermosa historia na que un pequeno misto, que sempre está enfadado, aprende a xestionar a frustración e as divertidas historias de “Susana Pillabana”.

A ciencia en “Descubramos o océano” e continuamos subscritos ás revistas Caracola e Reportero Doc.

O prato forte das novidades deste mes é a banda deseñada, con numerosos títulos escollidos seguindo o interese do noso alumnado. Títulos como o manga “One Piece”, as novela gráficas “El club de las canguro”, “Cuando brillan las estrellas”, “Alergia”, “Fantasmas”, “Gravity Falls”.

Escolle a túa lectura favorita na biblioteca de Leo león!

Contrución dunha estación meteorolóxica

O alumnado de sexto, para traballar o tema do clima, creou unha ESTACIÓN METEOROLÓXICA. Por grupos, fixeron os seguintes experimentos: construíron un cataventos, un pluviómetro e un termómetro. Mirade que ben nolo explican.

Seguridade Viaria na biblioteca.

 Hoxe o alumnado de 5º e 6º de Primaria tivo unha charla sobre a seguridade viaria. Un membro da garda civil explicoulles cales son as normas básicas de circulación e as consecuencias do seu incumprimento. Desde recomendacións para saír en bicicleta at aos perigos do teléfono móbil ao volante. A charla tamén foi sobre convivencia, cortesía e amabilidade; aplicable tanto á estrada como á vida.

CLUB DE LECTURA CURSO 23/24

Este mes constituímos diferentes Clubs de Lectura no Feliciano Barrera. En 5º de Educación Primaria, “Os Trogloditas Lectores”, comezan a súa andaina co libro “As peripecias de Extravaganzza Pérez”, da autora Ledicia Costas e ilustracións de Óscar Villán. Extravaganzza vive cos seus pais nunha casa que semella un zoolóxico. Que será desta nena cando os seus pais marchen a unha expedición secreta? Agárdanos unha lectura moi divertida e chea de peripecias.

En 4º de Educación Primaria, “Os Superlectores Celtas”, estrean o club co libro “A cazadora de estrelas”, da autora María Canosa e ilustracións de Dani Padrón. Xuntos crearemos un neboeiro de luz, xa que Megumi, a protagonista, é unha das mellores cazadoras de estrelas. Desfrutaremos dunha lectura moi agradable con preciosas descripcións.

En 3º de Educación Primaria, “Os Peroxos”, decidiron que o primeiro libro ía ser “Peroxo. Un rapaz de aldea”, do autor Luis Chapela Bermúdez no que percorre con relatos curtos as memorias dos veciños de Berducedo, nados na segunda metade do século pasado.  A ver que nos contan!

PODCAST TERRORÍFICO: Guláns en ruinas

 O alumnado de sexto, dentro do proxecto de radio, grabou o seu primeiro podcast polo día de Samaín.

https://drive.google.com/file/d/1yOx-yg3Vh9XMIHqnYDAOHMnJA0B8eW85/view?usp=sharing

Podcast terrorífico: A sombra perdida

O alumnado de sexto, dentro do proxecto deste ano "A radio", grabou estes podcast terroríficos.

O noso Samaín

 Aquí quedan algunhas fotos desta festa de outono tan pasada por auga.

Lecturas recomendadas para Samain

 Desde a biblioteca do cole propoñemos unha chea de lecturas terroríficas para amenizar a festividade de Samain

Samaín

Canto sabedes do Samaín?

Conseguiredes pasar tódalas probas?

Non teñades medo!!!

 

Conseguiredes responder agora a tódalas preguntas?

Adiante!!

 

Preparándonos para a FESTA DE OUTONO

Canción do TDAH

Os axudantes da biblioteca cantan unha canción para conmemorar e aumentar a conciencia sobre o TDAH.

DigiCraft

 Volve DigiCraft.

Un curso máis, o alumnado de 5º e 6º de Primaria participa no DigiCraft, programa educativo para o desenvolvemento das competencias dixitais. A súa primeira sesión, conxunta, resultou moi interesante. Traballaron co Chatbot (programa informático) para descubrir un personaxe segredo: Herry Lamarr, enxeñeira brillante qeu inventou a tecnoloxía precursora da wifi e gran actriz, considerada a muller máis bela do cine.

O Rap de Leo León

 Este é o Rap que garda todas as normas da nosa biblioteca. Atentos, é moi sinxelo

Danza na biblio.

 STUDIO 57, máis que unha escola de baile.

Este venres tivemos unha actividade marabillosa no cole. Desde os máis pequenos e pequenas de 4º de Educación Infantil ata 6º de Primaria puideron gozar de distintas sesións de baile. Dúas profesoras da Escola Studio 57, de Porriño, achegáronse ao centro para facernos vibrar a ritmo de Danza moderna, Baile Contemporáneo e Ballet. Moitas grazas por un estupendo día!

Inauguracións da biblioteca para os nenos e nenas de Educación Infantil e Primaria

 O día 26 de setembro inaugurose a biblioteca para os nenos e nenas de Infantil. Ademais tres deles levaron as súas mochilas viaxeiras cargadas de contos, xogos e ilusión.

O día 28 realizáronse dúas inauguracións, unha para primeiro de primaria, onde os axudantes  explicaronlles detidamente todo o que atoparian na biblioteca nos recreos e normas de funcionamento da biblioteca e outra inauguración para o resto de primaria. 

Ademais, tamén se repartieron  as mochilas viaxeiras para cada aula.

Formación dos axudantes da biblioteca durante setembro

 Durante o mes de setembro, os nenos e nenas de 6º, acudiron durante algúns recreos á biblioteca para rematar a súa aprendizaxe e preparar as diferentes inauguracións da biblioteca. Traballaron duro e moi ben.

´Derradeiro traballo dos axudantes da biblioteca do curso 2022-23

 Durante o mes de setembro os axudantes da biblioteca formaron aos futuros axudantes de Leo León. Foi moi bonitos ver como lles transmitian o seu cariño pola biblioteca.

Volta ao cole!!!

Bo verán!!

 REMATAMOS O CURSO!!

AGORA TOCA DESCANSO, RELAX, SOL E FAMILIA.

DESFRUTÁDEO MOITO.

VÉMONOS EN SETEMBRO!!

Festival de Cine de Guláns

Aquí vos deixamos un último agasallo que nos viu traer a alcaldesa antes de despedirse de nós.

Grazas!

 

Un paseíño polo tempo

 Aquí vai a derradeira curta do ano. A que fixeron as nais e pais do cole.

Moitas grazas pola vosa colaboración!!

HISTORIAS DE GULÁNS

Pois iso mesmo é o que se conta nesta curtametraxe: Historias de Guláns, historias de nenos e nenas que poderían estar no noso cole. Un traballo realizado entre distintos cursos para o Festival de Cine de Guláns. 

Proxecto Pito 3

 Aquí queda o vídeo do proxecto que fixeron as nenas e nenos de 1º.

O Peroxo

 Onte o alumnado de 3º, 4º e 5º puidemos desfrutar da maravillosa visita de Luis Chapela, que nos viu falar do seu libro "O Peroxo, un rapaz de aldea".

Nos xa coñecíamos as aventuras deste neno, o Peroxo, que ademáis de desfrutalas e de aprender delas, fixéronnos rir en moitas ocasións. 

Peroxo foi un rapaz dos anos 40/50 un pouco traste, que lle gustaba facer trasnada e saltarse o cole para ir ver a tele á taberna. O Peroxo cóntannos historias que nos recordan as historias que os nosos avós e avoas nos teñen contado, e que divertidas e canto se aprenden delas. 

O Peroxo e o seu autor deixáronnos unha boa reflexión e é que hai que cuidar e aprender dos maior, que eles son os que teñen gran parte da sabedoría.

Grazas Luis por vir visitarnos e contestar a todas as preguntas que estes curiosos alumnos e alumnas tiñan. 

FESTIVAL DE FIN DE CURSO

 MÉRCORES 21 DE XUÑO, 10:30h

Un ano máis, como xa é tradición, o último día do curso temos unha cita na Avisoureira. Haberá graduacións, haberá bailes… Pero preferimos non adiantarvos nada esta vez. Esperámosvos!!!

GOLF EN MONDARIZ

O xoves pasado as nenas e nenos de 5º de Primaria tiveron a oportunidade de aprender a técnica e o regulamento básico do golf. Practicaron diferentes golpeos seleccionando o pau de golf adecuado, como verdadeiros profesionais.

Esta é unha das actividades do Programa Xogade que máis gusta aos nenos e nenas do noso centro.  A contorna é moi agradable e tranquila; convida á relaxación e á concentración con todos os beneficios das actividades ao aire libre. Unha preciosa experiencia!

Grazas ao Club de Golf de Mondariz Balneario por convidarnos e facer desta xornada unha das nosas favoritas do ano.

EXCURSIÓN DE FIN DE CURSO

Os máis pesimistas equivocámonos esta vez. Decidimos confiar e houbo sorte: a primeira pinga de auga non caeu ata que todos os nenos e nenas estiveron xa sentados no bus de volta. 

Que día fermoso tivemos! Unha chea de experiencias concentradas nunhas poucas horas: contacto directo cos animais, xogos ao aire libre, tirolina, paseo en barca… Actividades moi divertidas nunha preciosa contorna.

Esta vez os nenos e nenas chegaron a casa case tan cans@s como os seus profes!

Making off: "Non fai falta a voz"

Unha pequena mostra cómo os nenos e as nenas de Educación Infantil fixeron a curta baseada no conto "Non fai falta a voz"

 

E como se fixo a nosa curta? OS TRES PORQUIÑOS!!!

 Os nenos e nenas de 3º fixeron unha curtametraxe baseada no conto de "OS TRES PORQUIÑOS", pero un tanto peculiar, pois xa non hai rastro dos porquiños nin do Lobo Feroz, agora so vemos gatiños e unha temible Rata.

Xa vos ensinamos a curta, agora vai o Making Off, o traballo que os nenos e nenas de 3º pasaron para que quedara unha peli tan molona. 

 

I Festival de CIne de Guláns.

OS TORNADOS

Non o sabíamos pero no CEIP Plurilingüe Feliciano Barrera hai catro superheroes ou quizais agora hai máis... Podemos comprobalo nesta curta realizada por parte do alumnado de 5º de Primaria para I Festival de Cine de Guláns. 

XOGOS POPULARES

 Comezamos a semana comentando as xornadas de deporte escolar celebradas estes días en Salvaterra. Concretamente, o parque da Canuda foi escenario dunha chea de de xogos populares. O xoves asistiron 3º e 4º de Primaria e o venres, 5º e 6º. Unha marabillosa maneira de fomentar a actividade deportiva e manter con vida a tradición de xogos aos que xa xogaban os nosos avós e avoas. Unha  divertida xornada de convivencia que, grazas a un enorme traballo de organización, como cada ano, foi todo un éxito.

Os tres porquiños.... ou gatiños?

 As nenas e os nenos de 3º fixeron a súa versión especial do conto "Os tres porquiños". Ahí vai:

O cascabel da gata. Como se fixo

 As nenas e nenos de 1º fixeron o videoclip "O cascabel da gata". Seguro que todos vós o escoitastes xa. Pero, queredes saber como o fixeron? Pois aquí queda o vídeo no que podedes ver todo o proceso creativo.

Curta de 2º Primaria: Sígueme.

 O alumnado de 2º de Primaria preparou unha curta do libro "Sígueme", coa técnica de Stop Motion. Unha adaptación do precioso conto, cheo de maxia, escrito por José Campanari e ilustrado por Roger Olmos. Unha historia de amor que non ten nada de raro.

A PROCURA DO TESOURO

 Curta realizada por parte do alumnado de 5º de Primaria para I Festival de Cine de Guláns. Nela un grupo de nenos deciden buscar un tesouro no CEIP Plurilingüe Feliciano Barrera e coa axuda do director do centro atoparan o maior tesouro que hai no centro.

Non fai falta a voz

Curta realizada polo ciclo de educación infantil do colexio público plurilingüe Feliciano Barrero ao abeiro do programa " Nós tamén creamos" 

LUCES, CÁMARA E MAXIA!!!

Curta elaborada polo alumnado de sexto de primaria. Luces, cámara e maxia!

O oso somnámbulo

 Curta de anumación feita polos alumnos e alumnas de 4º de primaria

O making-of do "Oso somnámbulo"

 Como fixemos a curta do Oso somnámbulo

O cascabel da gata

 Aquí queda a curtametraxe que fixeron os nenos e nenas de 1º.

Quen quere cantar un conto?

FESTIVAL DE CINE DE CANS

Hoxe tódalas clases de primaria visitaron Cans para coñecer desde dentro o seu famoso festival audiovisual. Por certo, lembrámosvos que se celebra esta semana, do 16 ao 20 de maio. 

Visitamos o Torreiro das Estrelas, onde xente tan famosa como Luís Tosar ou Luís Zahera deixaron as pegadas das súas patiñas (sen ofender) no chan. 

Tamén nos gustou moito o Muro dos Chimpíns, onde se pon en valor o traballo das persoas que axudaron a poñer en marcha o festival. 

Tomamos nota dalgunhas cousas e esperamos que o noso Festival de Cine de Guláns tamén teña moito éxito.

Un gran día de AGROGLAMOUR en Cans!!!

BALONMÁN E FÚTBOL SALA NA CULTURAL

 Nova xornada de deporte escolar para 5º e 6º de Primaria. Hoxe recibimos ao CEP Carlos Casares, de Alxén, na Avisoureira. Outro gran día de deporte  e convivencia. Non levamos a conta dos goles, só sabemos que foron unha chea por parte de ambos equipos. Que satisfacción poder ver actitudes tan deportivas en todos os nenos e nenas!

Despois de tanto esforzo chegou o momento da merenda e do merecido descanso. 

Moitas grazas ao Centro Cultural de Guláns por cedernos as súas estupendas instalacións e por facernos sentir, sempre, coma se estivésemos na nosa casa.

Proxecto Pito 2

 

En primeiro de primaria tiveron emocións fortes esta semana. Este martes os seus ovos levaban xa 21 días na incubadora. Por fin era día 9 de maio! Chegaron a clase e estaba a nacer o primeiro pitiño. Rompía a que foi a súa casa con toda a calma, parecía que quería que todos os nenos e as nenas puidéseno ver. E así foi. Todas as clases pasaron por primeiro de primaria, moi silenciosas, a visitar ao recén nacido.

Non vos imaxinades a ilusión dos nenos e as nenas cos seus novos amigos. Toda unha experiencia chea de aprendizaxes; desde a planificación e o tempo de espera ata a responsabilidade que supón alimentar e coidar a calquera ser vivo. Están a facelo fenomenal. Parabéns por un gran traballo!!!

 

 

Feira dos Minerais

 A fin de semana pasada; 5, 6 e 7 de maio; celebrouse a V Feira dos Minerais no Centro Cultural de Guláns. O venres dubidabamos se as choiva permitiríanos ir visitala, pero, finalmente, todos os cursos puideron asistir e observar os doce stands de minerais, fósiles e xoias de todo o mundo.

Visita da Escola de Música de Ponteareas.

 Esta semana recibimos a visita de profesores e profesoras da Escola de Música de Ponteareas. Tocaron un concerto con violín, violoncello, frauta, gaita e piano. Martina como é alumna tamén amosou o seu talento. Todos e todas quedamos abraiados. Moi agradecidos e agradecidas pola visita e o marabilloso concerto!

XORNADA DE ATLETISMO

O xoves pasado 4º e 5º de Primaria foron ao IFEVI, en Vigo, a gozar dunha nova xornada de deporte escolar.

Cando pensamos en atletismo adoitamos pensar en carreiras, xa sexan de velocidade, de resistencia ou de obstáculos; pero o atletismo inclúe moitas outras disciplinas. Por exemplo, as relacionadas con saltos e lanzamentos. 

O noso alumnado, concretamente, participou en probas de velocidade, resistencia e carreiras de relevos. Tamén puxeron a proba súa habilidade cos lanzamentos de peso e xavelina e co salto de lonxitude. 

As competicións, sempre cun ambiente moi san e deportivo, disputáronas con outros cinco colexios da nosa contorna. Unha oportunidade máis de fomentar a convivencia e por suposto, a actividade deportiva.

MEL DE GALICIA

O pasado xoves recibimos no colexio unha doce visita. Un curso máis, Mel de Galicia enviounos a unha persoa experta para explicarnos o proceso de elaboración do mel. Terminada a charla, os nenos e nenas de primeiro de primaria quedaron completamente convencidos e convencidas de que, tanto a abella raiña, como as abellas obreiras e os abellóns son importantes para a natureza e, polo tanto, para tod@s nós. 

Grazas pola visita!