FAMILIAS NA ESCOLA: LÍAN

 

Nesta ocasión o programa "Familias na Escola" sufriu unha pequena variación e converteuse en "Escolas na Familia". Explícovos:

O martes pasado todos os nenos e nenas de educación infantil foron de visita a casa de Lían. A súa nai tíñalles preparada unha marabillosa acollida.

Explicoulles como se preparan os altares de mortos tradicionais en México. Aquí pode parecer un tema difícil para estas idades, pero para nada, saíron encantados e encantadas! Viron as fotografías dos seres queridos e das súas mascotas, obxectos que os representaban, candeas e outras ofrendas.

Aínda por riba, tamén puideron degustar dous doces mexicanos típicos desta época do ano. 

Unha experiencia estupenda!

Moitas grazas á familia de Lían por organizala!!!

FESTA DE OUTONO 2025

 

Temos tempo chuvioso, ventoso e desapracible... Ideal para a noite de Samaín!!!

Esta noite comezaba un novo ano para os antigos celtas. Crían que, por unhas horas, vivos e mortos habitaban un mesmo mundo. Quen sabe...

No colexio onte acabaron as festas de outono. Acabaron unhas semanas nas cales, ao redor do Samaín e do tradicional Magosto, construímos unha chea de aprendizaxes. Literatura, música, plástica... cunha emoción protagonista en todos os traballos: o medo.

Por suposto, en lingua inglesa e plástica bilingüe, os nenos e neas traballaron o vocabulario e as tradicións dunha festa prima irmá do Samaín: Halloween.

Por último, aproveitamos a ocasión para dar as grazas ás familias que onte se achegaron ao colexio para asar as castañas no noso Magosto. Grazas, grazas e grazas!!!

 

SAMAIN 2025

 Expositor de libros de medo listo para Samaín 2025

Que libro ten máis medo?

Festa de outono

Estade ben atentos e atentas, porque chega a festa de outono e temos cousiñas interesantes no cole ...

Inicio de curso e un pouquiño máis 24-25

 Aquí vos deixamos un aniquiño das nosas aulas de infantil neste curso. 

Agardamos que vos guste.

VIDEO INICIO DE CURSO E UN POUQUIÑO MÁIS

Samaín

A semana pasada fixemos unha festa de Samaín. Sacamos ao patio os libros de medo, trouxemos cabazas pintadas e decoradas que daban moito medo e tamén fixemos maquillaxes terroríficas no patio.

Pasámolo xenial e desfrutamos moito desta celebración.

FESTAS DE OUTONO

 

Tres días intensos os da semana pasada: obradoiros de maquillaxe, exposición de cabazas, lecturas conxuntas no patio, xogos con luz negra e unha chea de historias antigas e novas á luz das candeas...

Como broche final: "o mellor Magosto da miña vida", como dixeron, literalmente, na clase de sexto de primaria.

Tivemos o privilexio de rebibir a uns invitados excepcionais: 8 rapaces procedentes de Mali que viven actualmente no Centro de Emerxencia para Persoas Migrantes de Mondariz Balneario. A cambio de mostrarlles unha parte da nosa cultura recibimos moito máis: amabilidade, simpatía, xogos novos e unha man marabillosa á hora de tratar aos nenos e nenas. Esperamos que a experiencia fose para eles tan bonita como para nós.

Ademais, por se todo iso fose pouco, despois de anos chuviosos e nubrados, puidemos celebrar o noso magosto á luz do sol. 

PODCAST TERRORÍFICO: Guláns en ruinas

 O alumnado de sexto, dentro do proxecto de radio, grabou o seu primeiro podcast polo día de Samaín.

https://drive.google.com/file/d/1yOx-yg3Vh9XMIHqnYDAOHMnJA0B8eW85/view?usp=sharing

O noso Samaín

 Aquí quedan algunhas fotos desta festa de outono tan pasada por auga.

Lecturas recomendadas para Samain

 Desde a biblioteca do cole propoñemos unha chea de lecturas terroríficas para amenizar a festividade de Samain

Samaín

Canto sabedes do Samaín?

Conseguiredes pasar tódalas probas?

Non teñades medo!!!

 

Conseguiredes responder agora a tódalas preguntas?

Adiante!!

 

Preparándonos para a FESTA DE OUTONO

Festa de outono

 Aquí vai o vídeo coas cabazas, contos, maquillaxes, castañas e xogos da nosa festa de outono!

Samaín na biblioteca.

 Polo Samaín decoramos, na biblioteca, 2 esqueletos con diferentes complementos terroríficos: luvas, botas, sombreiros, tenis, gafas, máscaras... Cantos modelos diferentes!

Tamén expoñemos esta semana tódolos libros e xogos máis arrepiantes, e as novidades.

FESTA DO OUTONO

Que comece a festa!!! A semana que vén comezan as actividades programadas para as Festas de Outono. 

Cinco días terroríficos de Samaín e venres de Magosto. Contos, cancións, xogos populares, decoración de cabazas… Unha chea de cultura e de tradicións para amar e conservar. 

Pasarémolo de medo!!!