Adiós ríos, adiós fontes , Día de Rosalía

 Este ano, os nenos e nenas de 4º de primaria quixeron conmemorar o día de Rosalía, recitando unha das súas obras mais coñecidas e recitadas en todo o mundo: "Adiós ríos, adiós fontes"

DÍA DA LINGUA MATERNA

 O 21 de febreiro celébrase o DÍA INTERNACIONAL DA LINGUA MATERNA e no cole quixemos aportar o noso gran de area.

Cada vez utilízase menos o galego, pero o certo é que temos unha morea de palabras na nosa lingua ben fermosas, e iso é o que fixemos, aportar entre todos, esas palabras en galego que tanto nos gustan para crear así unha nube de palabras.

Que vos parecen as palabras? Queredes aportar algunha nova?

Como chove miudiño.

 Canción cantada polos axudantes da biblioteca para conmemorar o Día de Rosalía de Castro: "Como chove miudiño". 

Desfile de entroido 2023.

 

Reportaxe fotográfica do Mandadiño 2023

Un ano máis os nenos e nenas e os profes do cole  disfrutaron dos Mandadiños de Leo León ao longo da semana. Houbo moita variedade: pulseiras, bigotes, disfraces de avós e para rematar o pixama que tanto divirte aos enos e nenas.

Desfile de entroido

 

Mandadiño xoves

Mandadiño para este mércores

 Hoxe o cole encheuse de bigotes de tódolos estilos. A Leo león ocorréuselle para mañá un novo mandadiño.

Mandadiño martes

 E así viñemos o cole, seguindo o mandadiño do falcatrueiro Leo León. Atención para o seguinte mandadiño!

MULLER E CIENCIA

 Hoxe, sábado 11 de febreiro, é o Día Internacional da Muller e a Nena na Ciencia. Por iso onte, no colexio, as nenas e nenos de 5º e 6º de Primaria recibiron unha visita moi especial. Mª Ángeles Pena Gallego, especialista en Química Cuántica, explicounos como, aínda que sempre houbo mulleres científicas, no pasado o seu traballo era ninguneado e mesmo roubado por unha contorna completamente masculinizada. 

Hai moitas cousas que poden condicionar a vocación académica das persoas, non debemos permitir que a identidade de xénero sexa unha delas. Queremos homes e mulleres en todas as ramas do saber e do traballo!

Mandadiño para o luns.

 Comezamos as celebracións do entroido coa tradición dos mandadiños de Leo León.

ARTE E NATUREZA

Que precioso paseo deron os nenos e nenas de 1º de Primaria! Non sempre é necesario ir moi lonxe para observar cousas fermosas. 

Un proxecto de arte? Un proxecto de ciencias naturais? Un pouco de todo. O obxectivo era crear obras artísticas coa natureza e sobre a natureza. Nas imaxes podedes ver distintas composicións con elementos naturais e distintas técnicas como o frottage sobre a cortiza das árbores. 

Aínda non temos claro que resultou máis fermoso, se as súas obras ou o proceso que seguiron para crealas.

DÍA DE PEREGRINACIÓN

Os nenos e nenas de 5º e 6º de primaria estiveron o martes en Santiago de Compostela. Como é moi posible que en breve gobernen a nosa comunidade decidiron ir visitar o que será o seu lugar de traballo. No Parlamento Galego unha guía explicoulles as súas principais funcións e estancias e Carmen puido probar como de cómodo resúltalle o asento do presidente. Preguntádelle se a vedes!

Na Xunta explicáronlles algo de suma importancia, cales son as actuais consellerías e como se reparten os cartos entre elas. Estamos ansiosos e ansiosas por que nos expliquen esa parte en concreto.

Como non todo na vida é política, @s nos@s futur@s líderes fixeron unha pausa para comer preto do campus universitario e fixeron o xa tradicional pousado na Praza do Obradoiro.