Dente de León en 1º de Primaria

O dente de león é unha planta ancestral e medicinal. 

En 1º de primaria traballaron as partes da planta e as súas funcións, as propiedades medicinais desta planta e a súa conexión co universo. 

 

A Vila Do Mañá

Neste último trimestre, o alumnado de terceiro e cuarto de primaria participaron na actividade da Vila Do Mañá da man de Post arquitectas. Trátase dun obradoiro de arquitectura, urbanismo e paisaxe dirixido a nenos e nenas en idade escolar.

O resultado final, un taboleiro xigante no noso patio cos lugares máis emblemáticos da nosa contorna.

SAÍDA POLOS MUÍÑOS DA CONTORNA

 A finais do mes de abril puidemos gozar dun marabilloso día de excursión polos muíños de Guláns e tivemos a sorte da nosa parte, pois Pedro, o papa de Martiño puido acompañarnos e Alberto puido axudarnos a ver como funciona un muiño de verdade, con millo e todo!

Moitisimas grazas pola vosa axuda e colaboración!

XEOMETRÍA ACTIVA

En 4º de primaria seguen traballando con dimensións e espazos. Despois de deixarnos abraiados e abraiadas cos seus planos dunha vivenda ideal deron o salto ás tres dimensións.

Comezan asentando ben as bases (nunca mellor dito) para construír os seus propios corpos xeométricos. Conos, pirámides, cubos, prismas…

Non sabemos agora mesmo como continuarán o traballo, pero encantaranos contárvolo!

Obxectivos de Desenvolvemento Sostible

Levamos xa un tempo facendo unha investigación sobre a axenda 2030 e os 17 Obxectivos de Desenvolvemento Sostible.

Foi un traballo difícil, pero tamén moi divertido, porque o fixemos en equipo.

Aprendemos moito sobre os ODS e a súa importancia.

Agora temos un mural nas escaleiras para que quen queira poida consultar os ODS e resolver as principais preguntas sobre cada un deles. Só hai que tirar da solapa.

As máquinas simples en 4º de primaria

 O alumnado de 4º de primaria sabe moi ben que é unha panca, un plano inclinado, unha polea e ademais aprenderon para que serven. Todas elas son maquinas simples que serven para realizar traballos cun esforzo menor.

Esta tarefa foi levada a cabo polos nenos e nenas coa colaboración das familias, nais, pais, avós e avoas, irmás e irmáns. O resultado foi marabilloso. Grazas ás familias por colaborar nesta difícil tarefa. 

Parabéns

.

O UNIVERSO NAS SÚAS MANS

En 5º de primaria fixeron un estupendo traballo sobre un tema tan amplo, complexo e marabilloso como é Universo.

Buscaron información, elaboraron maquetas, formaron equipos, presentaron o aprendido aos seus compañeiros e compañeiras…

Aprendizaxes tan infinitas como o propio Universo. Bo traballo!!!

Aparatos e sistemas

Nestes días, os nenos e nenas de 6º, estivemos facendo uns traballos en grupos do aparello respiratorio, circulatorio e dixestivo. 

Nestes traballos tivemos que facer uns esquemas e logo explicalos na clase.

Como sempre, despois veñen as preguntas e as valoracións dos compañeiros.

Proxecto Pito 3

 Aquí queda o vídeo do proxecto que fixeron as nenas e nenos de 1º.

Proxecto Pito 2

 

En primeiro de primaria tiveron emocións fortes esta semana. Este martes os seus ovos levaban xa 21 días na incubadora. Por fin era día 9 de maio! Chegaron a clase e estaba a nacer o primeiro pitiño. Rompía a que foi a súa casa con toda a calma, parecía que quería que todos os nenos e as nenas puidéseno ver. E así foi. Todas as clases pasaron por primeiro de primaria, moi silenciosas, a visitar ao recén nacido.

Non vos imaxinades a ilusión dos nenos e as nenas cos seus novos amigos. Toda unha experiencia chea de aprendizaxes; desde a planificación e o tempo de espera ata a responsabilidade que supón alimentar e coidar a calquera ser vivo. Están a facelo fenomenal. Parabéns por un gran traballo!!!

 

 

Proxecto Pito 1

 En primeiro de primaria comeza un novo proxecto: as aves. Como sempre, comezaron nomeando aquilo que xa saben seguro; por exemplo, que as aves teñen peteiro, plumas e que nacen dun ovo. Bo comezo! 

A continuación acordaron aquilo que queren saber. Concretamente, interésalles se as aves fan pis, se teñen embigo e como é que escoitan se ninguén lles viu orellas… En fin… Non cuestionemos a súa curiosidade científica…

Por último, unha gran SORPRESA: a profe Alba trouxo unha incubadora e 24 ovos. Agora quedan 21 longos días esperando a que nazan os pitiños. Non imaxinades a ilusión que teñen!

Proxecto sobre a enerxía en 4º de primaria

 Os nenos e nenas de 4º de primaria remataron un proxecto sobre a enerxía. Aprenderon as diferentes fontes de enerxía e as súas diversas clasificacións: primarias, secundarias e útiles, renovables e non renovables, convencionais e non convencionais.

 Ademais investigaron sobre as diferentes formas de obter enerxía eléctrica, desde o seu proceso de produción ata o consumo nas nosas casas. Coñeceron as centrais hidroeléctricas, térmicas, nucleares, parque eólico, parque solar...

Ademais comprenderon como se transporta a enerxÍa eléctrica e unha cousa bastante cercana a eles: o almacenamento da enerxía: pilas e baterías, xa que non se poden almacenar grandes cantidades de enerxía , só pequenas.

E por último, aprenderon como se consume a enerxía, onde e que podemos facer para realizar un consumo responsable.

Para demostrar todo o que aprenderon tiveron dúas misións.

Na primeira montaron unha bateria, unha turbina, un aeroxerador e unha casa solar.

Na segunda e máis divertida montaron un coche vela, un coche solar e un coche globo. Pasámolo moi moi ben. E aprendimos moito. Lástima que os nosos coches solares non poideran moverse debido á falta de sol. 

Este proxecto levámolo a cabo grazas a Endesa educa dixital, que nos proporcionou todo o material.