Como xa dicían os Beach Boys alá polos anos 60:
“Se todo o mundo tivese un océano
entón todos estarían a surfear”
Os nenos e nenas de 5º e 6º de primaria conquistaron o océano a semana pasada. Na súa excursión de fin de etapa bailaron ao ritmo das mareas, aprenderon a ler as palabras do vento, surfearon a onda como a vida, tal e como vén… Resumindo: algúns e algunhas foron capaces de poñerse de pé na táboa e non tragaron demasiada auga.
Todo un éxito a experiencia. Non houbo un momento para aburrirse: paintball, surf, sendeirismo pola costa…
Como sempre, un comportamento exemplar! Non podemos estar máis orgullosos e orgullosas do noso alumnado.
Ningún comentario:
Publicar un comentario