FORMACIÓN DO PROFESORADO

Os martes pola tarde son moi serios no Feliciano Barrera. O profesorado asiste a titorías, a avaliacións, a reunións de Claustro ou do Consello Escolar, á Comisión de Coordinación Pedagóxica... Sen esquecer que hai que dinamizar as TIC, organizar as tarefas de biblioteca, programar as actividades complementarias...

O devandito, todo moi serio.

Pero hai martes diferentes e o pasado foi un deles. Quitámonos o traxe de mestr@s e puxémonos o de alumn@s. Da man de Cris Collazo aprendemos unha chea de técnicas de expresión corporal que, esperamos, melloren a calidade das distintas pezas do noso "Festival en Catro Actos".

Bueno, fixemos iso e rirnos uns cos outros como facía xa moito tempo.

Grazas, Cris!!!

GASTRONOMÍA INFANTIL

Como souberon aproveitar este outono en educación infantil!

Coa axuda das familias organizaron unha deliciosas xornadas onde os produtos de tempada tiveron un gran protagonismo. Cabazas, castañas, mazás... foron algúns dos ingredientes elixidos.

Grazas a todas e a todos os que compartistes connosco algo que sabemos que non vos sobra: o tempo.

Podedes estar seguros e seguras de que mereceu a pena: os nenos e as nenas nunca esquecerán as vosas visitas!

Lembrade: As familias teñen pase VIP permanente no Feliciano Barrera. Propoñede as vosas ideas ás titoras e titores e buscaremos a maneira de facelas realidade. 

De novo, moitas grazas!!!

 

NADAL EN PRÁCTICAS

 

Tiña que pasar! Non o queriamos admitir, pero ocorreu do todos os xeitos: ao mundo máxico e marabilloso dos elfos e das elfas chegou a burocracia!

Nun divertidísimo espectáculo, Noelia, ex alumna do colexio, explicounos o duro proceso que hai que superar para chegar a ser elfo ou elfa certificado. Pero mellor non facer spoiler, que seguro que vos apetece asistir ao espectáculo o xoves, 26 de decembro, en Ponteareas!

Como sempre, agradecemos á ANPA San Xulián a súa achega económica para poder traer o espectáculo ao centro. É unha de tantas cousas que nos poderiamos facer sen a vosa axuda!

MÁIS FAMILIAS NA ESCOLA. Ainara e Vanesa

 

Non confiabamos moito en que o Gordo este ano pasase por Guláns, pero xa está confirmado. Só quédanos esperar que alguén da nosa familia educativa pasase por Logroño e ocorréselle mercar un décimo...

En fin, no Feliciano Barrera sentímonos afortunados e afortunadas cada día do ano. E razón non nos faltan!

Por exemplo, unhas das visitas que tivemos este decembro foi a de Vanesa, a nai de Ainara, de 3º de primaria.

Con ela, os nenos e nenas da clase levaron o concepto de Postal de Nadal a un nivel SúperTop. Como se nota cando hai experiencia e técnica detrás dunha actividade!

Moitas grazas, Vanesa, por proporcionarnos unha experiencia tan agradable, como divertida e educativa!!!

NADAL EN CONVIVENCIA

 

Festival en Catro Actos.

ACTO I: Festival de Nadal.

Por fin estreamos o primeiro capítulo do noso ambicioso proxecto anual e imos arriscarnos a resultar un poco vaidosos e vaidosas... Que GRAN COMEZO!!!

Nenos e nenas, mestres e mestras, familias... Todos e todas achegamos esforzo e ilusión para ofrecer un festival con actuacións variadas, traballadas e significativas. Que fermoso traballo, profe Neli!

Avoíñas astutas, leóns famentos, Minions, vasoiras artesanais... 

Un pouco de todo: algo para rir, algo para emocionarse, algo para reflexionar, algún fallo técnico... Incluso unha elfa recentemente licenciada repartiu agasallos a todo o alumnado. 

Non podemos despedirnos sen expresar o noso profundo agradecemento á ANPA San Xulián por todo o seu traballo e axuda que, cada ano, facilítanos tanto a vida.

A todos e todas: Felices Festas!!!

Caixas para o Nadal

Na clase de 5º e 6º, estivemos decorando caixas para o Nadal.

Empregamos caixas de zapatos e quedaron moi chulas. Decorámolas con vellas partituras e moitas cintas de distintas cores.

Agora xa sabedes como se fan estas fermosas caixas navideñas.

Animádevos e facede unha na vosa propia casa.

Himmelis. De Galicia a Finlandia

Este martes, os nenos e nenas de 6º fixemos uns adornos de Nadal típicos de Finlandia.

Chámanse Himmelis, son octaedros feitos con palla e póñenos nas casas para atraer a boa sorte.

Rímonos moito facéndoos. Recomendámosvolo. É moi divertido.

12 estrelas club de lectura. Momo

En 6º estamos a ler Momo.

Cada semana lemos uns poucos capítulos e falamos sobre o libro, que nos está gustando moito a todos.

Esta semana xa o rematamos.

Estamos compoñendo unha canción que vos comentaremos proximamente.

Rede galega de promoción da saúde

O martes 10 de decembro, viñeron Marta e Iria a explicarnos cousas sobre a promoción de saúde.

Fixéronnos un test para ver cantas cousas sas faciamos ... a verdade é que non moitas, pero tampouco poucas.

 

Pasamos un tempo agradable con elas e aprendemos moito sobre os bos hábitos e a relación coa nosa saúde.

FAMILIAS NA ESCOLA

Este trimestre recibimos unha chea de visitas de familias na escola. Algunhas xa volas contamos, pero outras se nos quedaron no tinteiro e irémolas recuperando aos poucos.

Hoxe lembramos a actividade que propuxo Karla, a mamá de Lían, preto do Samaín. Contou aos nenos e nenas como se celebra fieis defuntos en México.

Fíxoo con tanto arte que, aínda que a acompañaba un esqueleto a tamaño natural, ningún pequeno nin pequena pasou medo algún.

Moitas grazas, Karla!!!

 

COMPARTIR

Así, sen máis, en maiúsculas.

Sempre nos encantou ver como os nosos alumnos e alumnas van adquirindo o difícil costume de compartir.

É bonito ver como comparten material escolar, como comparten os xogos do colexio, como comparten a merenda se ven a alguén que quedou cunha pouquiña de fame...

Pero se hai algo que nos chega ao corazón (será porque somo profes) é ver compartir coñecementos e habilidades. Hai poucas actitudes tan xenerosas no alumnado!

En 4º de primaria vimos a Giulia, con toda a paciencia, agarimo e bo facer do mundo; ensinando a todo aquel que quixo, como tocar a pandeireta.

Grazas, Giulia!!!

 

FESTIVAL EN 4 ACTOS. ACTO I

Como xa sabedes,  o noso proxecto anual céntrase nas artes escénicas. Programamos catro actos, é dicir, catro datas ao longo do curso.

Pois achégase o ACTO I, a celebración máis tradicional, se cabe, de todas as que ofertamos:

VENRES, 20 DE DECEMBRO

10:30H

NA AVISOUREIRA.

Tedes o programa na imaxe.

Esperámosvos!!!

Que non volo conten!!!

NOVA XORNADA DE CONVIVENCIA

Este luns visitáronnos sete novos amigos residentes no Centro de Emerxencia para Persoas Migrantes de Mondariz Balneario.

Sete africanos encantadores que nos explicaron de onde veñen, como son as súas comidas, a súa roupa, algunhas das súas tradicións...

Os nenos e nenas asombránronse ao saber que todos eles falan con fluidez polo menos 4 linguas, entre elas o francés e inglés; e outras tan exóticas como o bambara, wolof ou soninque.

Con eles elaboramos diccionarios bambara - castelán e wolof - castelán e aprendemos que palabras como por favor e grazas son moi fermosas en calquera lingua.

JËRËJËF (grazas en wolof) pola vosa visita!!!

 

Aparatos e sistemas

Nestes días, os nenos e nenas de 6º, estivemos facendo uns traballos en grupos do aparello respiratorio, circulatorio e dixestivo. 

Nestes traballos tivemos que facer uns esquemas e logo explicalos na clase.

Como sempre, despois veñen as preguntas e as valoracións dos compañeiros.

Club de lectura "Os leóns lectores de 3º de primaria"

 Despois de ler os libros de Susana Lamela Soños de andel e andeis baleiros, os nenos e nenas de terceiro mediante o seu clube de lectura, os leóns lectores, pensaron cal sería o libro dos seus soños e puxéronse a imaxinar e a traballar na portada dese libro ideal. O resultado foi xenial, os doce nenos e nenas de terceiro lendo o seu libro ideal.

Club de lectura: "Lendo a todas horas"

 Os nenos e nenas de 5º de pri,aria formaron o seu pripio club de lectura. Chámase          e leron o libro "As peripecias de Extravaganzza Pérez", autora Ledicia Costas. 

Este libro figura como uns dos máis lidos nos itinerarios lectores do noso cole. A súa autora conta co Premio Nacional de Literatura Infantil 2015. Lecia Costas presenta unha aventura de superación dunha nena moi curiosa e extravagante que reafirmará a súa personalidade e chegará ata onde sexa necesario por axudar aos seus.

Os nenos e nenas de 5º fixeron unhas maquetas dos globos aerostáticos empleados por Extravaganzza na súa aventura

25 N: Día internacional da eliminación da violencia contra as mulleres

 Exposición de libros e contos na biblioteca para conmemorar o 25 N.

Temos tema!

Sabedes unha cousa? Xa temos o tema da nosa ópera.

Despois de moitas propostas, moitas argumentacións e moito compartir o que é importante para cada un de nós, decidimos que o noso tema é:

"Ser perseverante co que me propoño (con respecto)"

 A partir deste tema, chegaremos ao conflito principal da nosa historia.

Que vos parece?

O Tardo

 

A semana pasada, as nenas e nenos de 6º estivemos gravando este vídeo para participar no XXIII concurso de relato oral "Tíralle da lingua".

O monte de Guláns é un sitio perfecto para gravar, por iso escollemos este lugar, porque en calquera momento podería aparecer o Tardo. 

Custounos moito facer este vídeo pero tamén o desfrutamos.

Ougallá gañemos un premio para poder dedicárvolo a tódalas persoas que nos seguides.   

Pleno infantil

O xoves Cecilia e Lucas foron ao Pleno infantil.

Parece ser que os recibiron moi ben.

Dende o cole vímolos en directo a través de Youtube.

Se queredes ver a intervención dos representantes do CEIPP Feliciano Barrera, buscade o minuto 15'50´´

Estaba Nava Castro, os concelleiros, os representantes dos outros partidos políticos, os representantes dos outros colexios e institutos e os representantes de Mentes Novas. 

Dixemos as nosas propostas e agardamos que o concello as teña en conta.

Grazas por darnos voz aos nenos e nenas!

Todas e todos contamos

O martes viu ao cole a asociación IgualArte.

Fixemos moitas actividades:

- Infantil tivo contacontos.

- 1º, 2º, 3º e 4º tiveron un teatro.

- 5º e 6º fixemos instrumentos oe tocamos. Tambores (que estaban feitos de caldeiros decorados) , maracas (feitas de bebibles cheos de arroz e decorados con papeis de cores brillantes ) e caixas chinesas.

Grazas por vir a ensinarnos a facer estes instrumentos tan chulos!!

Admiramos o voso traballo. 

Grazas por escoitarnos!!!!!

       

          

Club de lectura: "Os Leolectores de 4º de primaria"

 Os nenos e nenas de 4º de primaria son moi bos lectores ademais de gozar moito coa lectura en grupo. Por isto, formaron un club de lectura chamado Leolectores de 4º de primaria. Na hora diaria de lectura len, comentan, preguntan e responden cousas relacionadas co libro de lectura. Cando rematamos un libro celebrámolo cunha exposición na biblioteca relacionada con el. O libro lido foi "No corazón do bosque" de Agustín Fernández Paz. A actividade elixida foi: "Como me imaxino eu ao meu trasno?"

Os nenos e nenas recoméndanvos este libro. Gustoulles moito.

ESCOLA DE FAMILIAS

 

Temos a sorte de ter no centro unha ANPA moi implicada en todas as actividades do centro.

Coa colaboración do CFR de Vigo, organizaron unha interesante charla: O papel da familia ante o acoso escolar.

Será na biblioteca do colexio, o venres 22 de novembro, ás 17:00 horas.

Non faltedes!!!

As artes escénicas en 3º e 4º de primaria

 Este curso estamos traballando as artes escénicas e os nenos e nenas de 3º e 4º de primaria puxéronse mans á obra.

En cada sesión traballamos expresión corporal e dramatización en gran grupo para coñecerse mellor, desfogar emocións e cohesionar o grupo.

Logo, en equipos máis pequenos imos desmigando historias de contos que lles encantan: lectura, comprensión do relato, expresión escrita, imaxinación... son uns pouquiños dos elementos que están utilizando para argallar a gran obra final...

Sabores de outono e un pouquiño máis

 Nesta ocasión deixamos aquí unha pequena mostra do acontecido na actividade SABORES DE OUTONO EN FAMILIA. Ademais, mostramos a visita dunha mamá que nos acercou ó DIA DOS MORTOS de México ás nosas aulas.

Tan só darvos as grazas as familias que participades no cole, cando vides ben vedes o que supón para os cativ@s a vosa presenza na escola. 

GRAZAS

ENCÁNTANNOS OS COGOMELOS

 

Este luns, como xa vén sendo tradición cada outono; Anxo, o pai de Petra, Martin e Oliver; pasouse polo colexio para contarnos as marabillas deste delicioso fungo: o cogomelo.

Como protexeer a súa contorna, como collelas (con adult@s, evidentemente), como recoñecer diferentes tipos...

Algo que nos encanta das charlas de Anxo é que non só escóitanse, el encárgase de que tamén se poidan ver e mesmo tocar! Moitas grazas, Anxo!!!

Familias do Feliciano Barrera, tedes unha chea de coñecementos e habilidades que aos nenos e nenas encantaríalles coñecer. Animádevos a vir contárnolas!!!

Inicio de curso e un pouquiño máis 24-25

 Aquí vos deixamos un aniquiño das nosas aulas de infantil neste curso. 

Agardamos que vos guste.

VIDEO INICIO DE CURSO E UN POUQUIÑO MÁIS

A nosa maleta

Na clase de 6º temos unha maleta, onde imos escribindo todas as aprendizaxes que estamos adquirindo ao longo do curso.

A maleta simboliza a viaxe que facemos coa nosa compañía de opera. Dentro hai unhas tarxetas de varias cores (amarelas, vermellas e azuis) e nelas escribimos os nosos retos, xogos e metáforas durante todo o curso para ter un recordo de todo o que facemos.

Grazas por acompañarnos nesta viaxe!!!

FACENDO VASOIRAS

O Martes día 5 viñeron as avoas de Candela, Carmen e Modesta, a ensinarnos como facer vasoiras.

A verdade é que  foi moi divertido e interesante. Ensináronnos os distintos tipos de vasoiras que se facían antigamente: vasoiras de xestas, de codesos ...

Que imos facer con estas vasoiras? Sorpresa! Xa o veredes ...

Moitas grazas Carmen e Modesta polo voso traballo!!

OBXECTOS PERSOAIS

Este xoves  cada un de nós trouxo un obxecto persoal.

Debía ser algo que simbolizara o reto que temos agora mesmo na nosa vida.

Foi moi emotivo e soubemos o valor de cada obxecto e a importancia que ten para cada un de nós.

Que vai saír disto? ... Iremos informando.

Samaín

A semana pasada fixemos unha festa de Samaín. Sacamos ao patio os libros de medo, trouxemos cabazas pintadas e decoradas que daban moito medo e tamén fixemos maquillaxes terroríficas no patio.

Pasámolo xenial e desfrutamos moito desta celebración.

Magosto

O mércores viñeron oito chicos de Malí para celebrar con nós o magosto.

Xogaron con nós aos xogos do magosto e logo comemos castañas, xogamos ao fútbol e ao baloncesto cos oito rapaces de Malí. Tamén lles ensinamos un pouco o noso cole e practicamos algo de castelán e inglés.

Pasámolo xenial cos mozos de Malí e estamos desexando que volvan!

Cross

O mércores, os nenos e nenas de 5º e 6º corremos a cross. Gañamos medallas:  Laura, Cecilia, Neyzan e Naia.

O xoves, os nenos e nenas de 3º e 4º tamén correron. Gañaron medallas: Jorge, Lara Porto, Laura Silveira e Iker.

Atopamos moitos amigos e amigas das outras escolas, falamos moito entre todos, compartimos o chocolate e as rosquillas, divertímonos moito e pasámolo xenial.

ENTRE O MAR E AS ESTRELAS

Este luns os nenos e nenas de 4º, 5º e 6º de primaria experimentaron na biblioteca do colexio a inmensidade do universo.

Da man de dous colaborador@s de Sea Starlight e Alecrín Actividades os nosos pequenos astrónomos e astrónomas situaron A Terra na galaxia, localizaron as distintas constelacións e aprenderon a orientarse na escuridade do ceo nocturno.

De recordo levámonos mapas das estrelas, fundas impermeables, compases e unha experiencia inesquecible!

Moitas grazas por ensinarnos a mirar ao ceo con outros ollos!!!

 

GRANDES BIOGRAFÍAS

Non fai falta ter moitos anos para escribir unha autobiografía interesante. Os nenos e nenas de 3º de primaria demostrárono dabondo escribindo a súa!

Ademais, deron vida ao texto a través do teatro de monicreques, representándose a si mesm@s e aos seus familiares máis próximos.

Un marabilloso exercicio de expresión escrita e oral en lingua galega! Tamén unha preparación para o Ciclo de Artes Escénicas "Festival en Catro Actos"

 

FESTAS DE OUTONO

 

Tres días intensos os da semana pasada: obradoiros de maquillaxe, exposición de cabazas, lecturas conxuntas no patio, xogos con luz negra e unha chea de historias antigas e novas á luz das candeas...

Como broche final: "o mellor Magosto da miña vida", como dixeron, literalmente, na clase de sexto de primaria.

Tivemos o privilexio de rebibir a uns invitados excepcionais: 8 rapaces procedentes de Mali que viven actualmente no Centro de Emerxencia para Persoas Migrantes de Mondariz Balneario. A cambio de mostrarlles unha parte da nosa cultura recibimos moito máis: amabilidade, simpatía, xogos novos e unha man marabillosa á hora de tratar aos nenos e nenas. Esperamos que a experiencia fose para eles tan bonita como para nós.

Ademais, por se todo iso fose pouco, despois de anos chuviosos e nubrados, puidemos celebrar o noso magosto á luz do sol. 

Noticias breves

Concurso de poesía ANOMAR:

En 6º fixemos uns poemas para o concurso de poesía ANOMAR coa técnica de corte e

logo, por grupos, mellorámolos. Estes días saberemos quen gañou o concurso de

poesía.

Que nervios!

Mochilas viaxeiras:

O día internacional das bibliotecas escolares, os axudantes de biblioteca entregamos as

mochilas viaxeiras e aos máis pequenos presentámoslles a leo león e logo mostrámoslles as normas da biblioteca a través dun rap que compuxemos nós mesmos.

Galicia sabe a mar:

O día 23 viñeron uns rapaces que nos deron a probar produtos galegos un pouco

distintos, como os mexillóns con galleta mariñeira e unha salsa de fabas da Lourenzá.

A uns gustounos máis que a outros ... pero o importante e probar.

PRESENTACIÓN DOS CLUBS DE LECTURA DE PONTEAREAS

A semana pasada fomos ao auditorio de Ponteareas xunto con todos os clubs de lectura do concello.

Alí coñecemos a Susana Lamela  e a Juan Abalde, que nos falaron dos seus libros, de como é ser escritor ... e responderon a moitas das nosas preguntas.

No noso cole temos catro clubs de lectura:                                                                                    

- En 6º “12 estrelas club de lectura”.

- En 5º “Lendo a todas horas”.

- En 4º “Os leolectores”.

- En 3º “Os leóns lectores”.

Estamos desexando comezar a compartir as nosas lecturas!

O NOSO LOGO

Por fin conseguimos decidir o logo que nos representa.

Este logo é moi importante para nós, custounos moito facelo.

Este logo represéntanos porque aparece un precipicio, o cal simboliza o risco que corremos ao facer unha compañía de ópera.

Tamén aparecen todos os nosos nomes ao redor do logo.

Ten 12 estrelas no ceo, que simbolizan o alto que podemos chegar.

Todo o que podedes ver no logo significa algo para nós.

 

24 DE OUTUBRO: DÍA DAS BIBLIOTECAS

 

12 Estrelas Compañía de Ópera, formada polos nenos e nenas de 6º de primaria, estreu este xoves a súa primeira composición musical: un rap para explicar as normas da biblioteca. Ademais, repartiron as mochilas viaxeiras e presentaron aos máis pequenos e pequenas do colexio ao noso querido Leo León.

Subide o volume do voso dispositivo porque, no Feliciano Barrera, imos sobrados de flow!

Dia das bibliotecas escolares; entrega de mochilas viaxeiras

 Hoxe celebramos o día das bibliotecas escolares. Todo o alumnado e todo o profesorado reuniuse na biblioteca para celebrar este día. 

Durante esta celebración coñecemos mellor aos axudantes da biblioteca e as súas innumerables tarefas. Ademais, lembráronnos cantando un Rap as principais normas que deben cumprir tódolos usuarios da biblioteca. Fixérono fenomenal, como todo o seu traballo feitoo ata agora.

Por último, os axudantes repartiron as anheladas mochilas viaxeiras a tódolos niveis do cole.

Preparación do pleno infantil

Este xoves viñeron do concello para axudarnos a preparar a nosa participación no pleno infantil.

Os nenos e nenas de 5º e 6º de primaria estamos traballando para representar o mellor posible ao noso centro no Concello de Ponteareas.

Irémosvos informando!