Diego. Petan á porta

 

LEO - LAB

Leo - Lab é o nome dunha das modalidades dos Proxectos Innova - Lab, que buscan a mellora dos centros escolares mediante a implementación de proxectos de innovación educativa.

Leo - Lab, concretamente, está enfocado ao centro educativo como promotor da comprensión lectora da comunidade escolar.

O noso proxecto desenvolve, fundamentalmente, tres medidas:

- Obradoiros de prevención de dificultades da comprensión lectora para infantil e 1º e 2º de primaria.

- Obradoiros de alfabetizacións múltiples e vida diaria, para 3º, 4º, 5º e 6º de educación primaria.

- Avaliación obxectiva do nivel de comprensión lectora antes e despois da posta en práctica dos obradoiros en 3º, 4º, 5º e 6º de primaria. 

Na imaxe podedes ver un exemplo de unha das actividades realizadas en 4º de primaria. 

 

DEPORTE ESCOLAR: BÁDMINTON

 

O venres pasado os nenos e nenas de 5º e 6º de primaria compartiron co alumnado do CEIP Antonio Blanco, de Covelo, un marabilloso día de deporte e convivencia.

A xornada desenvolveuse no Pabillón Álvaro Pino e foi organizada polo Club Bádminton Ponteareas. Os nenos e nenas aprenderon os fundamentos técnicos e tácticos do deporte, así como o seu regulamento básico. 

Os alumnos e alumnas mellor clasificad@s participarán no Campionato Zonal de Bádminton, que se celebrará o próximo 5 de abril.

Como sempre nestas xornadas, o comportamento do alumnado foi impecable. Nunca nos cansaremos de felicital@s por iso!!!

Por último, queremos agradecer a Víctor Lemos, adestrador do club, a súa cálida acollida e felicitalo pola exemplar organización das xornadas.

Vémonos en abril!

MÁIS FAMILIAS NA ESCOLA: MARTIÑO

 

A semana pasada estiveron cos nenos e nenas de infantil a nai e o pai de Martiño.

Contáronnos un conto, guiaron unha actividade plástica e contestaron a todas as preguntas que lles quixeron facer (asegúrovos que nunca son poucas). O tema, simple e apaixoante ao mesmo tempo: mans e pés. 

Como sempre que se pasan polo colexio, un éxito absoluto!

Moitas grazas a Cristal e a Pedro por celebrar o aniversario de Martiño connosco. O voso tempo é o mellor agasallo!!!

A ZERO!

 

Luns e mércores a cero no Feliciano Barrera!

Os nenos e nenas de 1º, 2º, 3º e 4º de primaria gozaron esta semana dos obradoiros do Proxecto Ponte a Zero, Programa de Educación, Formación e Divulgación Ambiental sobre a Redución e Xestión dos Residuos da Provincia de Pontevedra.

Mediante dinámicas e xogos os nenos e nenas descobren a importancia de separar correctamente o lixo, de reciclar e reutilizar obxectos, do aproveitamento de materiais... e de todas aquelas pequenas / grandes accións cotiás que melloran a saúde do noso sufrido planeta.

Bo traballo!

MÚSICA É VIDA

 

Porque a música é vida e porque a vida é música!

Que fermoso traballo que fixeron os nenos e nenas de primeiro de primaria!

Resulta que as claves, as notas, as brancas, as negras, as corcheas... non son soamente para escoitar ou ver. Pódense coser, dobrar, ordenar e, se me apuras, creo que mesmo pódeselle pasar o ferro!

En fin, a actividade non é fácil de describir. Convídovos a que vexades o vídeo!

Ainoha. Petan á porta

 

A NOSA COMPAÑÍA!

Xa comezamos a traballar por profesións, cada profesión xa ten un pouco de traballo feito.

Os nosos interpretes son: -Diego, Ainoha, Candela, Gala e Cecilia. Están creando os seus propios guións,  son moi divertidos!!!

Os nosos músicos son: - Unai, Martina e Neyzan. Están facendo as cancións dos nosos intérpretes. Que pegadizas son!!!

Da escenografía encárganse: - Leire e Xoel. Están creando a nosa imaxe e o noso decorado. Son moi creativos!!!

Da rexiduría ocupámonos: - María e Laura. Estamos coordinando os grupos. que ben o están facendo!!!

Club de lectura de 5º de Primaria "Lendo a todas horas"

 Os nenos e nenas de 5º de primaria, despois de ler o libro "El principito" representaron a súa visión deste libro nunha preciosa maqueta.

Os Leóns Lectores de 3º de primaria

 Despois de ler o libro "Mi nombre es Skywalker" de Agustín Fernández Paz, os nenos e nenas de 3º mediante o club de lectura traballaron a descrición dos personaxes principais do libro.  Comenzaron coa técnica "Dez veces dúas", nomeando cualidades dos personaxes e completando coas que nos coincidían cos seus compañeiros. Remataron a tarefa completando a portada do libro cos debuxos dos personaxes que desapareceran.

Agora xa están preparando a seguinte lectura!

Cecilia. Petan á porta

 

Obxectivos de Desenvolvemento Sostible

Levamos xa un tempo facendo unha investigación sobre a axenda 2030 e os 17 Obxectivos de Desenvolvemento Sostible.

Foi un traballo difícil, pero tamén moi divertido, porque o fixemos en equipo.

Aprendemos moito sobre os ODS e a súa importancia.

Agora temos un mural nas escaleiras para que quen queira poida consultar os ODS e resolver as principais preguntas sobre cada un deles. Só hai que tirar da solapa.

Cancioneiro de Guláns

Con tódalas coplas que recollemos polo día da lingua materna, fixemos un cancioneiro.

Está na biblioteca para que poidades lelo sempre que queirades.

El Principito

Comezamos a ler un novo libro para o noso club de lectura. Titúlase "El Principito".

Seguro que moitos de vós xa o coñecedes. É un libro que xa ten moitos anos, pero cremos que imos descubrir grandes cousas.

   

Máscaras con só 2 elementos

Polo Entroido estivemos facendo un traballo algo distinto na nosa aula.

A profe deunos só xornais e grampas e pediunos que fixeramos unhas máscaras en corenta minutos. Sen empregar ningún outro material.

Recomendámosvos probar este reto tan divertido, pasámolo xenial.

Canción de Momosan

Esta é a letra dunha canción que sae no libro "Momo", que rematamos de ler xa hai un tempo en 12 Estrelas Club de Lectura.

No libro aparece a letra da canción e entre todos compuxemos o ritmo e a música.

Momo emprega esta canción para derrotar a un monstro mariño imaxinario chamado Xum Xum Gomalasticum.

Neyzan. Petan á porta

 

ENTROIDO EN GULÁNS

 

Un Entroido máis na casa, desfilando pola contorna do colexio e compartindo o xantar coas familias, veciños e veciñas que quixeron acompañarnos.

Este curso o tema estaba claro desde o principio. Se o proxecto anual son as artes escénicas, de que outra cousa iamos disfrazarnos? Personaxes clásicos do circo; pallasos; titiriteiros e titiriteiras cos seus monicreques; magos e magas; mimos... Hoxe vivimos mil entroidos nun e non poderiamos facelo sen vós.

Grazas á ANPA por organizar o xantar e ás familias que achegaron doces, froitas e outros alimentos. 

Grazas a todos e todas os que vos achegastes a vernos e tamén aos que vos gustaría estar. 

Por último, unha mención e agradecemento especial para as familias que veñen disfrazadas. Aos nenos e nenas failles moitísima ilusión a vosa participación. 

Viva o Entroido!!!

AS ÁRBORES DAS EMOCIÓNS

 

 

Como xa sabedes, este curso estreamos novos programas no Feliciano Barrera. Hoxe querémosvos lembrar o PIE (Proxectos de Inclusión Educativa), concretamente, a nosa liña de Promoción do Benestar Emocional.

Un eixo importante deste proxecto é a elaboración de diarios emocionais. Con eles procuramos que o alumnado faga un exercicio de introspección e sexa consciente do seu propio estado emocional. En cada clase fan este traballo de forma diferente: oral, por escrito, nun calendario...

En terceiro de primaria son moi orixinais e o seu diario emocional ten forma de árbore. Cada folla representa un día da súa vida que colorean segundo as súas emocións.

Preciosa metáfora do paso do tempo e dos cambios que se van producindo en nós!

Unai. Petan á porta

 

Santiago de Compostela

O xoves 27 de febrero os nenos e nenas de 5º e 6º, pasamos o día en Santiago de Compostela.

Fomos ao Parlamento de Galicia, onde aprendemos a diferencia entre as funcións lexilativa, electiva e de control de governo. Tamén puidemos saudar a Cristina, a nosa anterior alcaldesa.

Na Xunta faláraonnos das distintas consellerías.

No Museo do Pobo Galego estivemos buscando pistas para responder ás preguntas das fichas.

Ademais, aínda tivemos tempo de visitar a Praza do Obradoiro e de comer nun parque.

Pasámolo moi ben. Moitas grazas a tódalas persoas que nos atenderon tan amablemente.

Luces e acción!

O martes viu á clase de 6º David, o pai de Leire, a ensinarnos como montar  unhas lámpadas. 

Foi moi divertido e aprendemos moito. Grazas por todo o que nos ensinaches para a nosa ópera. 

Alguén precisa axuda dun electricista experto? Pois aquí estamos os de 6º!!

RECITAL DE POESÍA

 

Aínda que o Entroido leva no ambiente un par de semanas xa, no Feliciano Barrera reservamos tempo para moitas outras cousas.

As lecturas do mércores, xoves e venres da semana pasada foron moi diferentes. Todos e todas, ben preto e con moitísima atención, escoitamos ao alumnado de 4º, 5º e 6º de primaria recitar os seus poemas favoritos de Rosalía de Castro e de Manuel María.

No vídeo podedes escoitar aos nenos e nenas de sexto interpretando "A fala", de Manuel María.

Escoitade o murmurio do vento, escoitade a palabra de amor...

PRIMEIRA ÓPERA

 

 O curso avanza e "Doce Estrelas Compañía de Ópera" faino tamén.

Os nenos e nenas de 6º de primaria continúan traballando na súa ópera, IV Acto do noso Festival de Artes Escénicas e produto final do Proxecto LÓVA (A ópera como vehículo de aprendizaxe)

A semana pasada estrearon o seu primeiro espectáculo, unha adaptación de Olélé (no vídeo contámosvos a historia) e foi todo un éxito.

Traballaron xa segundo as profesións e departamentos asignados: interpretación, rexiduría, produción, iluminación, vestiario, composición... Unha oportunidade de poñer a proba as súas habilidades e talentos e dicidir cal é a mellor distribución de profesións para a compañía.

Por último, super super importante, no vídeo descubrimos por fin por que na aula de 6º de priamaria teñen un remo!

Elaboracións de cómics polos Leolectores de 4º de primaria

 Despois da lectura do libro "MIicro algas o mar de Ardora" os Leolectores elaboraron tres cómics por equipos. Fixeron un traballo extraordinario.

Mandadiño para o venres

 

O VENRES PARA REMATAR,

O DISFRAZ DO COLE TERÁS QUE LEVAR.

María.Petan á porta

 

Mandadiño para o xoves

 

O XOVES, SE QUERES PRESUMIR,

CON ALGO NA CABEZA TERÁS QUE VIR.

Mandadiño para o mércores

 O MÉRCORES PARA CONTINUAR,

A CARA TERÁS QUE PINTAR.

Mandadiño para o martes

 

O MARTES, SE QUERES DIVERSIÓN

PON OS CALCETÍNS POR RIBA DOS PANTALÓNS.

Mandadiño para o luns

 

O LUNS, O TEU PESCOZO DEBES ADORNAR

SE O ENTROIDO QUERES COMEZAR.

Entroido

Comeza xa o Entroido no cole.

Como cada ano, encantaríanos compartir esta celebración con tódalas familias.

Disfrazádevos e vinde pasar o Entroido con nós.

Día internacional da lingua materna

 

Hoxe fai 25 anos da primeira celebración do Día Internacional da Lingua Materna.

Conmemórase xa un cuarto de século defendendo a diversidade lingüística e a preservación das linguas como patrimonio cultural que son.

No Feliciano Barrera achegamos o noso gran de area este curso recollendo cancións de berce e coplas tradicionais.

Coñecedes algunha?

Axudádenos a completar o noso cancioneiro.

Os Leo Lectores de 4º de primaria celebrando o día da Muller e a Nena na Ciencia

 No club de lectura dos Leo Lectores  leron "Clara e o enigma de Tihapia", de Ainoa García. Unha vez lido o libro, e para conmemorar o día da Muller e a Nena na Ciencia, traballaron unhas actividades asociadas ao libro como creación de anagramas, biografías, kahoots... Ademais aprenderon o que son as materias STEM (ciencia, tecnoloxía, enxeñería e matemáticas), durante moito tempo negadas ás mulleres e que agora son unha opción formativa independientemente do seu xénero.

As máquinas simples en 4º de primaria

 O alumnado de 4º de primaria sabe moi ben que é unha panca, un plano inclinado, unha polea e ademais aprenderon para que serven. Todas elas son maquinas simples que serven para realizar traballos cun esforzo menor.

Esta tarefa foi levada a cabo polos nenos e nenas coa colaboración das familias, nais, pais, avós e avoas, irmás e irmáns. O resultado foi marabilloso. Grazas ás familias por colaborar nesta difícil tarefa. 

Parabéns

.

NOVA FORMACIÓN DO PROFESORADO

 

Outra tarde de martes diferente para as mestras e mestres do Feliciano Barrera. 

Na sesión anterior, Cris Collazo ensinounos algunhas técnicas de expresión corporal e, como quedamos con ganas de máis, volveu onte para contarnos os segredos de marionetas, monicreques, macacos e demais familia.

Unha tarde marabillosa movendo os fíos como verdadeiros titiriteiros e titiriteiras!!!

Quizais vexamos algún froito da tarde no Segundo Acto do noso Festival de Artes Escénicas...

PATAS AMIGAS EN 1º DE PRIMARIA

 

Os nenas e nenas de 1º de Primaria continúan co seu proxecto "Patas Amigas"

No vídeo fálannos das súas mascotas: divertidas, relaxantes, simpáticas...

Se hai algo que teñen claro clarísimo é o seu desexo de protexer aos animais e, para conseguilo, envían a súa mensaxe ao mundo, tanto ás persoas como aos animais. 

Para asegurarse de que escoitamos as súas ideas fánnolas chegar en linguaxe oral, escrito e en lingua de signos. Imposible non entendelo!!!

A nena que quería navegar

O pasado martes 11 de febrero, fomos a un teatro titulado

" A Nena que quería navegar".

Pasámolo moi ben. A obra gustounos moito. Ademais, fíxonos reflexionar sobre como tratamos aos noso compañeiros de clase.

Era unha obra con música e deunos moitas ideas para a nosa ópera.

Tamén nos gustou compartir con amigos de outros colexios.

Querémoslle dar as grazas á F.A.N.P.O. por esta experiencia tan especial e divertida.

Grazas!!!!!

Cartas de amor

En 6º de  primaria fixemos cartas de amor para os nosos pais e nais.

Quixemos dicirlles con palabras canto os queremos ... que difícil!

A todos lles gustou moito.

Agora son eles os que teñen deberes. Teñen que escribirnos unha resposta.

 Feliz día do amor e da amizade a todos e todas!

Leire. Petan á porta

 

Laura. Petan á porta

 

 PATAS AMIGAS

Neste curso escolar os cativos e cativas de Infantil, 1º e 2º de Primaria participamos no Plan Proxecta "Protexe os animais" é un programa educativo que ten como obxectivo desenvolver a concienciación sobre o respecto e a protección dos animais domésticos.

Aquí deixamos unha pequena mostra dalgunhas actividades realizadas (fai clic na imaxe)

FACENDO XABÓN

O luns 3 de febreiro, estivemos aprendendo e a falando sobre as tres R: reutilizar,  reciclar e reducir .

Foi una experiencia moi divertida e emocionante.

Aprendemos moito sobre produtos de limpeza e tamén aprendemos a facer xabón caseiro con  aceite usado.

Querémoslle dar as grazas a "Ponte a zero " por ser tan amables con nós, por facernos rir e por ensinarnos esas combinacións que poden poñer en perigo a nosa vida nuns segundos.

Moitas grazass!!!!

30 de Xaneiro, Día da Paz e da non Violencia

 Para conmemorar o día da Paz e da non violencia, os nenos e nenas do Ceip Feliciano Barrera escribiron moitas mensaxes de paz e crearon un libro precioso que permanecerá na biblioteca para non esquecernos da importancia de manter a Paz nas nosas vidas

DÍA DA PAZ 2025

É un feito: os nenos e nenas do Feliciano Barrera van cambiar o mundo. Ademais, polo que nos contan e nos cantan, van facelo rapidiño.

Dínnolo cantando, bailando, en letras maiúsculas, en lingua de signos... todo para asegurarse de que a mensaxe cheghe a todo o mundo: os nenos e nenas do Feliciano Barrera queren un mundo mellor e quéreno nun plisplás!!!

 

Castelao

Hoxe compartimos este vídeo con vós.

Falamos de Castelao por varios motivos:

- Esta semana é o seu aniversario do seu nacemento.

- Este ano cúmprense 75 anos da súa morte.

- É unha persoa que loitou pola paz e pola liberdade do seu pobo, cousa que tamén ven ao caso pola celebración do día da paz.

E ti, sabes quen foi Castelao?

12 estrellas compañía de opera sigue adiante.

Esta semana  comezamos a ver máis en profundidade cales son as profesións dunha compañía de ópera.

Non sabemos aínda cal será a nosa profesión.

Todas son importantes e todas teñen algo especial.

Cal escoller?