Samaín na biblioteca.

 Polo Samaín decoramos, na biblioteca, 2 esqueletos con diferentes complementos terroríficos: luvas, botas, sombreiros, tenis, gafas, máscaras... Cantos modelos diferentes!

Tamén expoñemos esta semana tódolos libros e xogos máis arrepiantes, e as novidades.

Día das bibliotecas escolares

Celebramos con este video o día das bibliotecas escolares. Nel participaron todos os nenos do cole.

FESTA DO OUTONO

Que comece a festa!!! A semana que vén comezan as actividades programadas para as Festas de Outono. 

Cinco días terroríficos de Samaín e venres de Magosto. Contos, cancións, xogos populares, decoración de cabazas… Unha chea de cultura e de tradicións para amar e conservar. 

Pasarémolo de medo!!!

A BIBLIOTECA DE LEO LEÓN PONSE EN MARCHA

 Primeiro día da biblioteca de Leo León no curso 2022-2023

O Poder das Palabras.

Polo Día da Saúde Mental, o alumnado de Infantil e Primaria traballou o conto “O poder das palabras. Aprendendo a ser feliz” de Soledad Carmona e Paco Ortega. Comprendimos que algo tan sinxelo como as palabras poden ser á vez máxicas e afectar ao noso estado emocional. Aprendimos a utilizar esa maxia para saber enfrentarnos a diversas situacións, ser máis positivos, optimistas e felices.

Despois da lectura do conto, escribimos as palabras que nos fan felices e compartímolas con Leo León como apoio para unha boa saúde mental.

Leo León agradécevos a todos e todas as vosas palabras.

A célula

 Parecidos razoables.

Que temos en común os seres humanos cos vermes? Ou cos espárragos? En sexto de primaria responderían moi rápido a estas cuestións porque están a estudar en ciencias naturais que todos os seres vivos estamos formados por células; uns por moitas, como as persoas; e outros por unha soa, como unha bacteria. Para representar todos os coñecementos adquiridos fixeron maquetas dos dous grandes tipos de células, as animais e as vexetais. Bo traballo!

Novidades de outubro.

 Comezamos o curso coas seguintes novidades:

Coma sempre, as últimas edición do Xornal O Papagaio e as revistas Caracola, Reportero Doc e English Junior.

Para os maiores, continuamos con 5 tomos máis da exitosa saga dos “Futbolísimos”, de Roberto Santiago. Unha colección divertida, atractiva, de aventuras, valores, amizade e fútbol; un acerto, sen dúbida.

Da man da tradutora Patricia Buxán, chéganos a versión en galego de Heidi, con detalladas descricións dos Alpes, a chegada dunha cativa á cabana do avó cambiará a súa vida para sempre.

Non nos esquecemos dos libros de lectura fácil: “A que sabe a lúa?” escrito con pictogramas, nin dos libros inclusivos, como a colección de Amor de familia, con textos moi emotivos e ilustracións preciosas. A amabilidade é o meu superpoder, realmente é a habilidade máis grande que nenos e nenas poden aprender.  O león e o paxaro é unha historia de amizade, empatía e soidade. Neko adéntranos no mundo da violencia de xénero.

Para relaxar contamos cun libro para interpretar con sons, uns versos da poeta Gloria Fuertes e un recetario máxico.

Este curso viviremos unhas lecturas para pasalo de cine!

RAP DAS NORMAS DA BIBLIOTECA DE LEO LEÓN

OS RECUNCHOS DA FALA

 Este ano estamos a seguir co proxecto dos recunchos da fala, pero agora, ademáis de facelo no cole, queremos que tamén vós impliquedes as familias. Que vos paerece?

Coñecedes as seguintes palabras?

INAUGURACION DA BIBLIOTECA, curso 2022-23

 Durante esta semana, inauguramos a biblioteca. O mércores tocoulle a infantil, e o venres a todo primaria.

Os axudantes que son os alumnos de 6º, xa están formados para facer o seu traballo na biblioteca. A partir de agora podedes visitar todos os días na biblioteca na hora do recreo en coller libros para lelos nas vosas casas

Digital week

 Xa están de volta os nenos e nenas de sexto de primaria. Como a maioría de vós xa saberedes, estiveron en Gandarío gozando do programa de actividades da Dixital Week. Toda unha semana de novas tecnoloxías e de inmersión lingüística en lingua inglesa. Creo que levan falando sen parar desde onte ás 8:45: que se a programación, a impresora 3D, os robots, os xogos, a noite de baile… Toda unha experiencia e, ao mesmo tempo, todo un reto porque moitos deles e delas nunca pasaran tantos días lonxe das súas familias. Parabén, mozos e mozas, fixéstelo moi ben!