Polo Samaín decoramos, na biblioteca, 2 esqueletos con diferentes complementos terroríficos: luvas, botas, sombreiros, tenis, gafas, máscaras... Cantos modelos diferentes!
martes, 25 de outubro de 2022
luns, 24 de outubro de 2022
Día das bibliotecas escolares
Celebramos con este video o día das bibliotecas escolares. Nel participaron todos os nenos do cole.
xoves, 20 de outubro de 2022
FESTA DO OUTONO
Que comece a festa!!! A semana que vén comezan as actividades programadas para as Festas de Outono.
Cinco días terroríficos de Samaín e venres de Magosto. Contos, cancións, xogos populares, decoración de cabazas… Unha chea de cultura e de tradicións para amar e conservar.
Pasarémolo de medo!!!
domingo, 16 de outubro de 2022
venres, 14 de outubro de 2022
O Poder das Palabras.
Polo Día da Saúde Mental, o alumnado de Infantil e Primaria traballou o conto “O poder das palabras. Aprendendo a ser feliz” de Soledad Carmona e Paco Ortega. Comprendimos que algo tan sinxelo como as palabras poden ser á vez máxicas e afectar ao noso estado emocional. Aprendimos a utilizar esa maxia para saber enfrentarnos a diversas situacións, ser máis positivos, optimistas e felices.
Despois da lectura do conto, escribimos as palabras que nos
fan felices e compartímolas con Leo León como apoio para unha boa saúde mental.
Leo León agradécevos a todos e todas as vosas palabras.
xoves, 13 de outubro de 2022
A célula
Parecidos razoables.
Que temos en común os seres humanos cos vermes? Ou cos espárragos? En sexto de primaria responderían moi rápido a estas cuestións porque están a estudar en ciencias naturais que todos os seres vivos estamos formados por células; uns por moitas, como as persoas; e outros por unha soa, como unha bacteria. Para representar todos os coñecementos adquiridos fixeron maquetas dos dous grandes tipos de células, as animais e as vexetais. Bo traballo!
sábado, 8 de outubro de 2022
Novidades de outubro.
Comezamos o curso coas seguintes novidades:
Coma sempre, as últimas edición do Xornal O Papagaio e as
revistas Caracola, Reportero Doc e English Junior.
Para os maiores, continuamos con 5 tomos máis da exitosa
saga dos “Futbolísimos”, de Roberto Santiago. Unha colección divertida,
atractiva, de aventuras, valores, amizade e fútbol; un acerto, sen dúbida.
Da man da tradutora Patricia Buxán, chéganos a versión en
galego de Heidi, con detalladas descricións dos Alpes, a chegada dunha cativa á
cabana do avó cambiará a súa vida para sempre.
Non nos esquecemos dos libros de lectura fácil: “A que sabe
a lúa?” escrito con pictogramas, nin dos libros inclusivos, como a colección de
Amor de familia, con textos moi emotivos e ilustracións preciosas. A
amabilidade é o meu superpoder, realmente é a habilidade máis grande que nenos e
nenas poden aprender. O león e o paxaro
é unha historia de amizade, empatía e soidade. Neko adéntranos no mundo da violencia
de xénero.
Para relaxar contamos cun libro para interpretar con sons,
uns versos da poeta Gloria Fuertes e un recetario máxico.
Este curso viviremos unhas lecturas para pasalo de cine!
xoves, 6 de outubro de 2022
Subscribirse a:
Publicacións (Atom)