DÍA DA CONCIENCIACIÓN SOBRE A PARADA CARDÍACA

O mércores foi o día da Concienciación sobre a Parada Cardíaca. Os nenos e nenas de 6º fomos a Ponteareas.

Alí ensináronnos como auxiliar a unha persoa atragoada, inconsciente ou en parada cardíaca.

Tamén nos explicaron as funcións da policía, de protección civil, da cruz vermella e dos bombeiros.

Pasámolo xenial!!!

Concurso de ciberseguridade

Os nenos e nenas de 5º e 6º de primaria participamos este martes nun concurso de ciberseguridade. A prendemos o que se pode facer eo que non. Como por exemplo que é o que debemos facer cando nos aparece unha mensaxe dun descoñecido, cando nos piden una foto en pixama, cales son as contrasinais seguras ...

Pasámolo moi ben, foi divertido e fixémolo xenial no concurso.

Somos un bo equipo!!

A biblioteca de Leo León xa está en marcha!!!

 Este curso abre a biblioteca con moitas novidades: chan novo, xoguetes novos, axundantes novos, zona de infantil nova... en moitas cousas máis que iredes descubrindo ao longo do curso.

Neste video podedes ver o bonita que quedou a biblioteca despois das reformas e como disfrutan os nenos e nenas durante os recreos.

12 Estrelas Compañía de Ópera

Ola a todos e a todas.

Somos os nenos e nenas de 6º de primaria. Estamos formando unha compañía de ópera que se chama 12 estrelas.

Para aprender a concentrarnos e a traballar en equipo, estamos a facer retos e xogos, como por  exemplo: estatuas, o globo, sip sap, a pedra da concentración, números, nó de mans ...

Ademais, estamos escollendo un logo para a nosa compañía que vos ensinaremos pronto.

A partir de agora podedes seguir as nosas publicacións coa etiqueta “6º informa”.

Un saúdo dos nenos e nenas de 6º.

WELCOME TO GULÁNS, LAUREN!

 

O venres pasado incorporouse á familia do Feliciano Barrera a nosa nova auxiliar de conversa.

Chámase Lauren Sharp e vén de Bristol (Reino Unido) Estabamos desexando coñecela!!!

En dous días que estivo connosco xa tivo tempo de presentarse en todos os cursos de primaria e de responder ás infinitas preguntas coas que nenos e nenas bombardeárona.

Encantados e encantadas de que esteas aquí!!!

Os novos axudantes da biblioteca

 Durante o mes de setembro, os nenos e nenas de 6º, acudiron durante algúns recreos á biblioteca para aprender o manexo do programa Meiga de préstamos e devolucións e para coñecer máis sobre a colocación e distribución de libros, xogos e diferentes materiais que fan da nosa biblioteca un sitio máxico.

Xa están preparados para todo o que precise a biblioteca e os seus usuarios. Eles  aconsellarannos sobre diferentes lecturas, xogos, realizarán os préstamos e devolucións dos libros e contos e lembrarannos como debemos comportarnos na biblioteca do cole.

FESTIVAL EN CATRO ACTOS

 

Novidades!!!

Como algúns e algunhas xa sabedes, o proxecto de centro deste ano son as Artes Escénicas.

As artes escénicas son, fundamentalmente, tres: teatro, danza e música; pero estas á súa vez divídense en múltiples disciplinas como o monicreque, as sombras chinesas ou o circo. 

Resumindo, que decidimos facer un ciclo de artes multidisciplinar no que todo, ou case todo, ten cabida.

Todo o alumnado vai participar, pero para non facer un festival de oito horas e media, dividímolo, como as obras de teatro, en actos:

Acto I: Festival de Nadal.

Formato tradicional. Actúa todo o alumnado.

Acto II: Letras Galegas.

Actuacións de 3º, 4º e 5º de primaria.

Acto III: Xuño.

Espectáculo de 6º de primaria

Acto IV: Fin de curso.

Actúa Infantil e 1º e 2º de primaria e graduamos ao alumnado de sexto de infantil e de sexto de primaria.

Esperamos que ter as datas con antelación (están no cartel) axude ás familias a organizarse e poidan asistir aos distintos actos.

Aínda non temos pechadas todas as disciplinas a traballar e bastantes detalles deste FESTIVAL EN CATRO ACTOS seguen no aire... Só sabemos unha cousa: Será algo MEMORABLE. Seguiremos informando!!!

Benvidos e benvidas!

Comezamos o curso con enerxías renovadas pero coa ilusión e o agarimo de sempre.

Vai ser un curso moi especial. Témosvos preparadas unha chea de sorpresas e novos proxectos.

Atentos e atentas que veñen curvas!!!

Feliz verán!!

 

Xogos conecta e circuitos eléctricos

 Derradeiro traballo do alumnado de 6º de primaria na materia de ciencias naturais. Fixeron un gran traballo e para rematar unha bonita exposición do mesmo explicando ao alumnado do cole o funcionamento dos seus xogos e maquetas

Recomendacións literarias para tódalas idades

FESTIVAL DE CANS 2024

 

Un ano máis que paseamos os pezuños polo Cans Voulevar!

Esta vez, o alumnado de 1º, 2º, 3º e 4º de primaria tivo a oportunidade de presentar unha das nosas curtametraxes: "O Cascabel da Gata".

Ademais, os nenos e nenas de segundo subiron ao "escenario" do jalpón para explicar as reviravoltas de produción da gata Benita.

Toda una experiencia!

Visionado de curtametraxes; charla acerca das profesións que se desenvolven ao redor do cine; photocall (photochimpín, mellor dito); percorrido pola aldea...

Agroglamour levamos e agroglamour deixamos!!!

Tedes ata o sábado 25 de maio para visitar o Festival de Cans!

LETRAS GALEGAS 2024

Hoxe o tempo permitiunos ao fin celebrar o Día das Letras Galegas como se merece.

Ademais das actividades realizadas a semana pasada, como o Pasapalabra de Luisa Villalta ou o deseño e elaboración de chapas conmemorativas en Polos Creativos; hoxe engadimos unha Gran Xincana das Letras.

Dez equipos de alumnado mesturado de todas as aulas, liderados por un neno ou nena de 6º de primaria, enfrontáronse a 10 probas relacionadas coa escritora homenaxeada este ano.

Supoño que non fai falta aclarar que todos e todas superaron o reto marabillosamente. É o bo de traballar en equipo!

Ao final, un pequeno premio tradicional: unha buxaina para os nenos e nenas de primaria e ras saltarinas para infantil.

Aínda sabedes facer bailar unha buxaina? Convidámosvos a probar cos vosos nenos e nenas!

 

PROXECTO RECICLAXE

 

En primeiro e segundo de primaria remataron un proxecto moi ambicioso. Propuxéronse poñer en marcha as tres RRR no Feliciano Barrera: Reducir, Reutilizar e Reciclar gran parte dos residuos.

Comezaron investigando nos libros da Maleta Ponte Zero. Préstamo do CEIDA (Centro de Documentación Ambiental Domingo Quiroga) Moitas grazas, por certo!!!

Continuaron etiquetando e fabricando os seus propios contedores para levar despois o lixo aos de fóra. Non importa que chova!

Finalmente, compartiron os seus coñecementos coas demais aulas do colexio concedéndolles a súa insignia de clase ecolóxica. 

Tamén afondaron nalgunhas cuestións grazas á charla de SOGAMA deste luns. Que interesante!

Un gran traballo!!!

CORPUS ADIANTADO

 

Cheiraba a Corpus hoxe no Feliciano Barrera.

Flores, fentos, landras e demais materiais típicos das alfombras florais adornaban o noso patio.

Comezou o alumnado de 4º, 5º e 6º de primaria; que era para o que, nun principio, estaba destinada a actividade. Logo chegou o recreo e o resto de nenos e nenas quixeron achegar o seu gran (nunca mellor dito) a unha das dúas alfombras.

Moitas grazas ao Concello de Ponteareas por organizar a actividade e permitir participar a todo o alumnado, aínda que non entrase na programación. Agradecemos moito a flexibilidade!!!

Por certo, quedou clarísimo que en Guláns hai canteira alfombrista!