En educación infantil continúan entusiasmados e entusiasmadas co seu último proxecto: os insectos.
Non hai bicho en Guláns que se escape á súa curiosidade nin á súa lupa. Por suposto, nin se lles pasa pola cabeza facerlles dano, pero talvez os estean angustiando un pouco con tanto amor… En fin, que os sufridos animaliños emigran buscando tranquilidade…
Os que viven a corpo de rei son os vermes de seda. Entre que non teñen demasiado movemento e que están a comer moreira fresquiña todo o día, cada vez están máis gordiños. Moitos deles xa empezaron a fiar o seu capullo de pura satisfacción.
Apaixonante o mundo animal e fascinante a aprendizaxe dos máis pequenos e pequenas en contacto coa natureza.
Moi bo traballo!
Ningún comentario:
Publicar un comentario