BÁDMINTON NO PABILLÓN MUNICIPAL

 

Onte, no Pavillón Municipal Álvaro Pino, os nenos e nenas de 5º e 6º de primaria gozaron dunha nova xornada de deporte escolar: a primeira fase do Campionato Escolar de Bádminton de Pontevedra. 

Un día fantástico de aprendizaxe e práctica do deporte; pero tamén de convivencia. Co CEIP de Leirado, a competición sempre é deportiva e amable. Unha gran experiencia!

Queremos expresar, como sempre, o noso agradecemento ao Club de Bádminton Ponteareas por convidarnos unha vez máis. Especialmente a Víctor, polo seu impecable traballo e o seu indiscutible talento para dirixir a nenos e nenas.

Parabéns a todos os clasificados e clasificadas. Izan, Yoel, Breixo, Yaiza, Martina e Laura: Bo traballo!

Por último, dicir que, acompañando ás imaxes, os nenos e nenas de 5º de primaria explican por que as xornadas de deporte escolar son unha das nosas actividades favoritas. 

PROTECCIÓN DA NATUREZA

Temos claro que protexer a natureza e protexer ás persoas son dúas caras dunha mesma moeda. Un exemplo diso atopámolo nas distintas charlas que deu a Garda Civil en 5º e 6º de primaria.

No mes de febreiro, unha garda explicou aos nenos e nenas a enorme riqueza natural que temos no noso país e a imperiosa necesidade de protexela e recuperala naqueles lugares nos que se viu comprometida. 

Non é demasiado tarde! Aínda temos moito por facer!

Mulleres na radio

  O alumnado de 3º de primaria investigou sobre a vida dunha xornalista das de verdade. Unha muller que comezou a traballar na radio con só dezaoito anos. Directora e presentadora en Radio Nacional de España. Gañou dous premios Ondas, dous Micrófonos de Prata e un Micrófono de Ouro… entre outros moitos galardóns. Todo un exemplo de comunicación de calidade.

Pepa Fernández

Semana da prensa: Titulares tolos

O que vedes é a actividade que propuxo este curso o equipo de biblioteca pola semana da prensa: “Titulares tolos”.

Os nenos e nenas; ben equipados con xornais, tesoiras, pegamento e carros de imaxinación crearon titulares do máis absurdo e creativo.

8 de marzo, día da muller

 Na biblioteca de Leo León, preparamos unha extensa exposición de contos e libros dedicados ás mulleres.

Novidades de Marzo

 Este mes comeza cunha chea de contos novos na biblioteca de Leo León. 

Para os lectores e lectoras máis novos temos dúas coleccións pensadas para eles e elas. Son "Aprende a ler na escola de monstros"  e "Investigato". Dúas coleccións en letra maiúscula  e por último dous contos novos da colección de Mortiña.

Ademais e debido ás peticións de algúns alumnos de 3º de primaria, contamos con dous novos exemplares do Capitán calzoncillos e un novo libro de Tom Gates.

Para o terceiro ciclo contamos cunha nova colección titulada "Chica xenial" que seguro gustará moito entre a rapazada destas idades. 

Todas estas novidades e moitas máis podedes atopalas na biblioteca de Leo León!

EDUCACIÓN AMBIENTAL

 

Todo o alumnado do centro asistiu hoxe, en diferentes quendas, a unha impactante charla organizada polo Concello de Ponteareas. 

Puxéronlles diante, literalmente, moito do lixo que, sen que nos deamos conta, acaba nos nosos ríos e outros espazos naturais.

Impresionados e impresionadas quedáronse cos datos dos desastres que provoca o abuso das toalliñas húmidas!

Moitas grazas or vir ao centro para facernos máis conscientes do problema. Actuaremos en consecuencia!

23 de febreiro: Día de Rosalía de Castro

Hoxe conmemoramos o día de Rosalía de Castro, poetisa e novelista galega. Criouse nun ambiente rural onde aprendeu o idioma galega, os seus costumes e moito da cultura galega que máis tarde recollería nas súas obras. Ela devolveu a dignidade ao pobo galego, que xa nunca máis esqueceu os seus costumes e tradicións.

Os nenos e nenas de 3º de primera fixeron unha pequena homenaxe a Rosalía a través dun videopotcast

 

CIBERSEGURIDADE NA BIBLIOTECA

 

Unha axente da garda civil explicou aos nenos e nenas de 5º e 6º de primaria nocións básicas sobre ciberseguridade e boas prácticas na rede.

A tecnoloxía chegou para quedar e por iso é tan necesario ensinar aos nenos e nenas a utilizala con precaución e respecto, tanto a si mesm@s como aos demais. 

Con prevención, educación e acompañamento promovemos un uso san das tecnoloxías da información e da comunicación. 

BIBLIOTECA CREATIVA - ESCORNABOT - 4º XOGO DE MESA

 Agora a quenda de xogar, creando escenarios para atravesar co escornabot. Cada grupo tivo que conseguir chegar á casilla de pregunta, evitando as trampas do percorrido. Este xogo de mesa, realizouse para repasar contidos de Ciencias Sociais.

Radio Guláns: O noso cole mola

 O alumnado de 2º fálanos do noso cole e da festa do entroido

Radio Guláns: O noso cole mola

O alumnado de 3º cóntanos porque lles gusta a biblioteca do noso cole

BIBLIOTECA CREATIVA - ESCORNABOT - 3º INVENTAR CIRCUÍTO

 O seguinte reto consiste en realizar, en pequenos grupos e con material da clase, un circuíto por onde teña que pasar o escornabot. Menudo desafío!

11 DE FEBREIRO - BIBLIOTECA CREATIVA

 Polo 11 de febreiro, Día Internacional da Muller e da nena na ciencia, o alumnado de primaria realizou un circuíto eléctrico téxtil. Recortaron tea de fieltro e coseron un fío condutor a un portapilas e varios leds. O antifaz foi representado en 5 mulleres deseñadoras gráficas, que coñecimos e resaltamos unha frase representativas da muller, en cada unha delas.

Radio Guáns: Frases pola Paz: 1º de primaria

Este curso temos como proxecto: "A Radio". Para celebrar o día da non violencia e da Paz traballamos   podcast e videopodcast baixo o lema "Frases pola Paz. Aquí tedes o traballo de 1º de primaria