Aquí vai a pregunta para este mes.
Xa sabedes a resposta? Pois deixádea na caixa de correo de Leo León.
Este 25 de novembro, día internacional da eliminación da violencia contra a Muller, a nosa biblioteca convertiuse nun espazo de reflexión, lectura e creación para todo alumnado do Centro a través dos libros, das palabras e o traballo cooperativo.
Propuxemos as seguintes lecturas por ciclos sobre a igualdade e convivencia: Nos tratamos bien de Lucía Serrano, Rosa Caramelo e Artur e Clementina de Adela Turín, Hai algo máis aburrido que ser unha princesa Rosa? De Raquel Díaz e O libro dos porcos de Anthony Browne.
Despois da lectura abriuse o diálogo sobre o significado de respeto, a igualdade ou os coidados. De seguido, cada grupo decidiu cinco frases sobre o traballado e escribíronse nunha man. Non era unha man calquera, senón que esas mans convertiríanse en pétalos para formar a nosa flor do bo trato.
Con esta actividade buscamos fomentar valores de respeto, igualdade e exemplos de bo trato desde as idades máis temperás.
Como é habitual todos os anos, na biblioteca de Leo León fixemos unha selección dos contos que mellor tratan este tema.
.jpeg)
Xa remata outubro e con el tamén pechamos as actividades adicadas ao medo neste mes.
Despois de coñecer as obras de “O grito” e as gárgolas góticas, os nenos e nenas do cole puxéronse mans á obra e crearon monstros terroríficos, escribiron sobre os seus propios medos e mesmo foron os protagonistas da pintura de O grito de Munch.
A outubro dicímoslle adeus pero xa chega novembro, que obras de arte e que emocións nos achegará
Non hai mellor maneira de celebrar o día das BIBLIOTECAS ESCOLARES que recollendo as mochilas viaxeiras.
O 24 de outubro, para celebrar esta efeméride, reunímonos todo o cole na biblioteca con Leo León. Os axudantes da biblio presentáronnos este día tan importante, cantaron o rap das normas da biblioteca e repartieron as mochilas viaxeiras a cada grupo.
Agora tócanos disfrutar das lecturas e compartirlas coas nosas familias na casa.
Gocemos da lectura!
Estade ben atentos e atentas, porque chega a festa de outono e temos cousiñas interesantes no cole ...
Evidentemente, achénganse as Festas de Outono no Feliciano Barrera e, con elas, o Samaín.
En educación infantil, tan orixinais como sempre, crearon un novo concepto: a gastronomía monstruosa. Con froitas, hortalizas, pan e algunha que outra lambetada; crearon monstros comestibles que aínda non decidiron se dan máis medo, máis fame ou máis risa.
Tamén nos encantan os simpáticos seres que pintaron coa divertidísima técnica do soprado.
Seguiremos informando!!!
Na biblio de Leo León iremos descubriendo cada mes unha emoción diferente relacionándoas con diferentes obras de arte.
Teremos que ler, observar e sentir.
Arrancamos o mes de outubro co MEDO e coas obras do grito de Munch e as gárgolas góticas da Catedral de Norte Dame en París.
Relacionado con esto, os nenos e nenas levan a cabo actividades para expresar a emoción do medo e para coñecer as obras propostas.
O produto final é colaborativo e darase por rematado ao final de mes coa aportación de tódalas actividades.
.jpeg)
.jpeg)
.jpeg)
.jpeg)
.jpeg)
Este curso, Leo León quere propoñervos retos relacionados coas artes. Estades preparados para comezar?
Despois dunha semana de formación, os maiores de sexto, xunto con Leo León, están listos para recibir a tódolos compañeiros do cole na nosa biblioteca.
Esta primeira semana foi de gran intensidade na biblioteca: xogos, lecturas, empréstitos...
Que gañas temos de novas aventuras lectoras!
Noraboa Leire, Xoel e Profe Alba por quedar finalistas no XI certame de relato curto.
Os seus relatos están publicados neste marabilloso libro que esperamos ter para ocurso que ven na biblioteca do cole.
O 28 de maio, chamáronnos de Si Radio para facer una entrevista. Deixámosvos o enlace da entrevista por si queredes escoitala.
.png)
Este ano, o día das letras celebráronse ao grande na casa cultural da Avisoureira, onde puidemos gozar de 4 obras de teatro representadas polo alumnado de 3º e 4º de primaria, ademais de disfrutar moito coa copla "Río verde" interpretada por 5ª de primaria.
Ademais, os nenos e nenas de primaria, durante 3 días, na hora de lectura, cantaron as coplas recompiladas por eles mesmos coa axuda das súas familias para crear "O Cancioneiro de Guláns"
KITBULL: unha historia de amizade, loita e esperanza.
Na aula de 2º de Primaria tivemos a sorte de visualizar a emocionante curtametraxe Kitbull, unha creación de Pixar que, a través da animación, toca temas tan profundos como a amizade verdadeira, o maltrato animal e a importancia de dar unha segunda oportunidade aos animais abandonados.
A historia céntrase nun pequeno gatiño rueiro, desconfiado e independente, que vive nun vertedoiro, e un pitbull que sofre malos tratos e permanece encadeado nun patio, só e sen liberdade. A primeira vista, semella imposible que entre eles poida nacer unha relación de amizade, pero pouco a pouco, a través de situacións difíciles e cheas de emoción, van construíndo un vínculo baseado no respecto, na axuda mutua e no cariño.
Durante a visualización traballamos varios obxectivos fundamentais:
1- Identificamos as necesidades básicas dos animais de compañía: alimentación, cariño, atención veterinaria, liberdade de movemento e compañía.
2- Reflexionamos sobre o que significa o abandono animal e as duras consecuencias que ten para os que o sofren.
3- Sensibilizámonos sobre a importancia de coidar o medio ambiente e respectar os dereitos dos animais.
4- Analizamos o papel que xogamos nós, como nenos e nenas, na loita contra o maltrato animal, a través da empatía, o coidado e a educación.
No conflito da historia, o gatiño ve como o pitbull sofre unha agresión do seu dono. Esa situación convérteo no heroe inesperado: perde o medo e achegase a axudar. Xuntos deciden escapar desa vida de sufrimento e atopar un novo comezo. Tras unha noite á intemperie, durmindo un xunto ao outro, son finalmente acollidos por unha persoa que lles ofrece un fogar verdadeiro e cheo de amor.
Se ti tamén queres coñecer esta marabillosa historia, podes ver a curtametraxe completa a través desta ligazón: Kitbull - Pixar (YouTube)
Despois do visionado, abrimos un espazo de diálogo onde reflexionamos sobre como podemos axudar aos animais abandonados. Algunhas propostas que xurdiron foron:
- Adoptar en lugar de mercar.
- Non abandonar nunca a un animal de compañía, porque eles tamén senten.
- Apoiar os refuxios e protectoras da nosa contorna.
- Denunciar situacións de maltrato animal.
- Educar desde pequenos no respecto e o coidado dos seres vivos.
Finalmente, elaboramos un mural colaborativo coas nosas investigacións sobre os recursos que existen para axudar aos animais sen fogar e recollimos acordos e ideas que nos comprometen a ser máis responsables e solidarios cos animais.
Kitbull fíxonos rir, emocionarnos e, sobre todo, pensar. Porque unha historia contada con debuxos tamén pode cambiar miradas e sementar conciencia.
Aquí tedes unha mostrar do noso traballo:
.jpeg)
.jpeg)
.jpeg)
.jpeg)
.jpeg)
.jpeg){kind=link}