NADAL 2025

 

Primeiro día de merecido descanso no Feliciano Barrera!

É un bo momento para agradecervos a todos e a todas a vosa compaña o pasado venres no noso xa tradicional Festival de Nadal.

Como sempre, os nenos e nenas dérono todo no escenario. Desde a mellor sopa do mundo, que nos preparou educación infantil, ata a artística ilusión óptica de 6º de primaria, que aínda nos ten abraiados e abraiadas.

Todas e cada unha foron actuacións marabillosas! Un fermoso traballo en equipo coordinado pola incansable profe Neli!

Por último, como non, agradecer a coloración da ANPA San Xulián para sacar adiante esta inesquecible xornada de convivencia.

A toda a nosa familia educativa: Felices Festas!!!

DECEMBRO: MES DA ALEGRÍA

 Rematamos o ano no Feliciano Barrera e na biblioteca de Leo León celebrámolo con ALEGRÍA.

As obras que nos inspiraron foron: Baile no moulin da Galette de Renoir, Baño de Sorolla, Os xirasois de Van Gogh e a escultura de Chong Fa Cheong, Primeira xeración.

O alumnado pensou en cancións que poden bailar no Moulin da Galette, expresou por escrito momentos alegres, debuxaron lembranzas donde sentiron alegría e crearon colectivamente xirasois coma os de Van Gogh.

Con estas tarefas desexámosvos boas festas e vémonos o ano que vén con novas propostas artísticas.

Teatro radiofónico

 Os cursos de 3º, 4º, 5º e 6º recibiron formación sobre radio da man de Cristina Collazo.

Despois de realizar diferentes dinámicas os rapaces elaboraron por grupos diferentes creacións posibles para ser emitidas pola radio.

Bo Nadal desde a biblioteca de Leo León!!

 Grazas ao alumnado e ás familias polos adornos para a árbore da nosa biblioteca.

Julio Verne e o Club de Lectura de 4º de primaria

 Neste trimestre en cuarto de primaria adicamos o tempo de lectura a Julio Verne. Mediante o noso clube de lectura, Os leóns lectores, limos Dous anos de vacacións  e Viaxe  ao centro da Terra. 

Despois de facer comprensión e comentarios sobre as lecturas, elaboramos un mural representando o centro da Terra e unha maqueta da illa de Verne coa análise do libro de personaxes, trama, ubicación etc…

Coa imaxinación e aventuras que nos ofrece Julio Verne pasándolo fenomenal!

Felices lecturas de Nadal!!

 O equipo de biblioteca recomenda estes fantásticos libros para toda a comunidade educativa.

Desexámosvos unhas boas e felices festas.

A ALDEA VELLA

 

O prometido é débeda!

Hoxe podedes desfrutar do poema gañador do XXII Concurso de Poesía ANOMAR, recitado pola súa propia autora.

Convídovos a escoitala. Asegúrovos que quereredes visitar, sen dúbida, a aldea que a imaxinación e o corazón de Giulia crearon nalgún lugar de Galicia.

De novo: parabéns, Giulia!!!

Moitas grazas por recitar o teu poema para todas e todos nós! 

PARABÉNS!!!

 

Estamos de celebración no Feliciano Barrera!

O venres pasado Giulia, de 5º de primaria, recolleu o primeiro premio do XXII Concurso de Poesía ANOMAR pola súa obra " A aldea vella".

Aínda por riba, a súa compañeira Catalina quedou finalista no mesmo concurso co seu " A froita mola un montón".

Se tedes curiosidade por coñecer as súas obras, esperade uns días. Espero poder convencelas de que as reciten para vós!

Como dicía Walt Whitman: "Non deixes de crer que as palabras e as poesías si poden cambiar o mundo". Está claro que Giulia e Catalina non deixaron de crer.

Parabéns, rapazas!!!

3 DE DECEMBRO: DÍA INTERNACIONAL DAS PERSOAS CON DISCAPACIDADE

Este curso, para conmemorar o Día Internacional das Persoas con Discapacidade, en 6º de primaria levaron a cabo unha actividade realmente fermosa: un intercambio coa asociación ASPAMSIM.

ASPAMSIM é unha entidade sen ánimo de lucro dedicada á mellora da integración social das persoas con discapacidade psíquica. Está en Cangas.

A titora de 6º, Laura, que coñece a asociación moi de preto, programou un enriquecedor intercambio. Os nenos e nenas de sexto escribiron cartas e fixeron debuxos que os usuarios e usuarias de ASPAMSIM recibiron con moita ilusión. A súa resposta foi un marabilloso vídeo no que nos mostran as súas instalacións, cóntannos os seus gustos, os seus desexos... Os noso nenos e nenas aprenderon moito escoitándoos e escoitándoas.

Non nos foi posible, pola súa duración, incluír o seu vídeo completo; pero convidámosvos a visitar as súas redes sociais e a súa web para coñecer mellor a asociación e, especialmente, aos seus usuarios e usuarias.

Grazas de corazón a ASPAMSIM por compartir esta experiencia connosco!!! 

 

VISITA A DIVERSA

 

Onte o alumnado de educación infantil e primeiro e segundo de primaria visitou "Diversa": Mostra Internacional de Ilustración Contemporánea. Foi no Teatro Afundación, en Vigo.
Resultou unha experiencia moi completa. No obradoiro STEAM e de sostibilidade "Universo Diverso" os nenos e as nenas crearon a súas propias criaturas fantásticas e secáronas cun simpático sistema de ventiladores que tiñan que montar e conectar.
A visita á exposición foi preciosa. Entre outras, recibimos tres chaves fundamentais na vida: a da natureza, a da imaxinación e a da diversidade. É posible que algún futuro ilustrador ou ilustradora atopase inspiración este día.
Por último, lembrade que estivemos en Vigo polo Nadal. É posible que non vísemos os doce millóns de leds, pero podo asegurarvos que vimos uns cuantos miles.
Por sorte, a choiva respectou o noso paseo pola rúa do Príncipe e a Porta do Sol e puidemos percibir con toda claridade que se achega o Nadal!!!

NOVEMBRO: MES DA TRISTEZA

 Xa queda atrás o mes de NOVEMBRO dedicado á emoción da TRISTEZA. 

As obras de arte propostas desde a biblioteca foron o vello guitarrista cego e O asceta de Picasso, A habitación en Arlés de Van Gogh e a escultura de Les Voyageurs de Bruno Catalano.

O alumnado elaborou y diferentes traballos de expresión escrita, imaxinación, observación e creatividade. Así de bonito quedou o panel colaborativo do mes de novembro. 

Comenzamos decembro e con el a ALEGRÍA!

VOLVE A CASA POLO NADAL

 

Chegou decembro e, con el, o Elfo de Guláns.

Todo o mundo sabe o moito que queremos ao noso elfo. Vén cada Nadal para enchernos de alegría, para traer agasallos, para facernos rir cos seus bailes...

Pero como nada nesta vida é de balde, tamén vén cada ano para coarse pola noite no colexio e facer todo tipo de trasnadas.

En educación infantil esperan cada día de decembro con estusiasmo e curiosidade. Onte mesmo montaron á arbore para que o elfo estea como na súa casa.

De momento temos unha carta súa. Seguiremos informando!!!