Sol, Lúa e Estrela estarán máis acompañadas esta primavera, unha chea de familia de tritóns chegou á poza feliciana a, polo a gusto que os vemos, parece que se van quedar. Grazas a Martín e Antía por traelos! De momento, o de poñerlles nome está a ser un pouco complicado.
xoves, 31 de marzo de 2022
mércores, 30 de marzo de 2022
21 de Marzo, día mundial da poesía
En 4º de primaria afeccionáronse moito á poesía. Ana non puido participar no vídeo anterior pero quixo gravar esta linda poesía.
martes, 29 de marzo de 2022
Caixa das emocións.
En 2º de Primaria estrean a súa Caixa das Emocións. Nela poderán deixar mensaxes sobre como se senten, mensaxes para compañeiros e compañeiras explicándolles como lles fan sentir, mensaxes para lembrar que os puxo alegres ou que os aflixiu... Cada luns abrirán a caixa para reflexionar sobre os seus sentimentos e sobre os dos demais e, así, coñecerse mellor a si mesm@s.
Aínda que os metamos nunha caixa a idea non é encerrar os nosos sentimentos, senón todo o contrario, liberalos para que non fagan dano a ninguén.
Benvida á primavera.
En Educación Infantil están tan contentos e contentas de que chegue a primavera que lle dan a benvida en tódolos idiomas que coñecen: en galego, en castelán e, por suposto, tamén se atreven co inglés.
luns, 28 de marzo de 2022
Club de lectura: Trampa de lume.
Rematamos o libro de Trampa de Lume, con tristeza e rabia, polo inxusta que era a situación da muller non hai moito tempo. No final do libro hai unhas preguntas, e "Os Leoleón afoutos" quixeron investigar para poder chegar á resposta.
domingo, 27 de marzo de 2022
Últimas actividades da Semana da Ciencia.
Que semana tan intensa! Ademais das actividades que xa se comentaron, quedáronse no tinteiro algunhas mási: O xoves o profesorado do cole continuou coa súa formación afondando nos segredos do mundo da programación. Grazas a Santi por ensinarnos tantas cousas e ter tanta paciencia connosco. Asegurámosche que aplicaremos o aprenddo nas nosas clases.
O venres os nenos e nenas de 5º e 6º foron os grandes protagonistas da xornada. Pola mañá explicaron os seus experimentos a tódolos cursos do colexio e fixérono fenomenal. Pola tarde repetiron a exposición na súa caseta da Feira das Ciencias. Estiveron marabillosos e marabillosas no seu traballo. Na seguinte ligazón podedes ver o vídeo editado polo concello cun resumo da feira: https://youtu.be/SdyKhqh90x8
Por último, os nenos e nenas de 2º non quixeron ser menos e, tamén o venres, puxeron en marcha experimentos sobre magnetismo e outros conceptos.
Grazas ás familias do centro por colaborar connosco de mil maneiras diferentes e tamén ao Concello de Ponteareas por recuperar esta preciosa actividade despois de dous anos de parón.
sábado, 26 de marzo de 2022
Resumo da Semana da Ciencia 2022
Pola Semana da Ciencia, fixéronse experimentos, que mantiveron ao alumnado á expectativa, observando e descubrindo o mundo que lles rodea e prestando atención a cousas que habitualmente pasan desapercibidas. Ademais de comparar e facerse preguntas, tipo que sucedería se...? chegou o momento de responder experimentando, comprobar as ideas e facer predicións. Observar, medir, contar, rexistrar, evidenciar, formaron parte dos seus pasos de detectives para poder explicar os seus experimentos.
Os científicos compartiron os seus descubrimentos, no seguinte vídeo. Ademais o alumnado de 6º participou na Feria das Ciencias, en Ponteareas, no que explicaron experimentos sobre a sostenibilidade e o medio ambiente, como a reciclaxe, o forno solar, a depuración da auga.
Finalmente, todo o alumnado asistiu a unha exposición de Ciencia na Biblioteca Leo León, co material feito e desenvolvido nas diferentes aulas.
venres, 25 de marzo de 2022
xoves, 24 de marzo de 2022
A maleta dos océanos.
mércores, 23 de marzo de 2022
Novidades na horta.
Os nenos e nenas de 2º de Primaria plantaron morotes na horta. Que ilusión! Todo se renova na primavera, tamén os proxectos e actividades.
O cultivo de morotes é moi agradecido, xa que cun par de coidados básicos, recompensarache cos morotes máis ricos, mellores que os do supermercado, que adoitan collelos un pouco verdes (senón non chegarían ben ao consumidor) o que impide que o amorodo produza todo o azucre que pode ter. Aos amorodos gústalles o sol e resisten unha ampla gama de temperaturas.
Moitas grazas a Hugo de 5º, por regalarnos as plantas. Pouquiño a pouquiño, tódolos cursos irán enchendo a nosa horta de froitos e ilusións.
martes, 22 de marzo de 2022
Semana das ciencias 2022.
Onte inauguramos a Semana das Ciencias ao grande. Xabier Prado levou a cabo un divertido xogo cos nenos e nenas de 5º e 6º de Primaria, na biblioteca. Contamos tamén coa visita da alcaldesa de Ponteareas... e a semana só acaba de empezar!