Novas Xornadas de Portas Abertas

Venres de entroido 2022.

 Que festa o venres! No cole estamos encantados e encantadas de ter, ao fin unha festa case normal. Agradecemos aos nenos, ás nenas e ás súas familias a súa participación, a súa colaboración e, sobre todo, a súa alegría!

Personaxes do Entroido.

 Tódalas aulas de Primaria, traballaron unha personaxe do Entroido, protagonistas típicos de cada vila, dende os Peliqueiros de Laza, ás Pantallas de Xinzo ou aos Cigarróns de Verín.

Declarada Festa de Interese Turístico. Os Xenerais, con coloridos uniformes e tricornio con plumas de pavo real, cabalgan recitando os famosos altos ou antraques, que son loitas dialécticas na que miden a destreza verbal. Tamén van de porta en porta dando as Vivas, palabras cheas de desexos de vida para cada familia. 

A figura do Peliqueiro leva o rostro cuberto por unha máscara e unha mitra na cabeza, pintada con debuxos de animais. Cólganlle as chocas que fan soar cando corren o Entroido, polas rúas de Laza. A súa vestimenta complétase cunha pelica por detrás da máscara, a modo de coleta, que lle da nome á personaxe.

O entroido de Verín, considerado Festa de Interese Turístico, o protagonista é o Cigarrón, cunha máscara, acompañada dunha follalata pintada con diversos motivos de temática animal. Na cintura levan un cinto de coiro, do que colgan as chocas, características polo seu son.

Non se concibe o Entroido de Xinzo de Limia sen as súas Pantallas. Recorren as rúas da vila acompañadas sempre de dúas vexigas de vaca en cada man, coas que asustan ao público cada vez que golpean. Recoñecido como Festa de Interese Turística, cunha duración dun mes, os asistentes terán que agardar ata o terceiro dimingo, o Corredoiro, para poder disfrutar da presenza das Pantallas. Con camisa e pantalón vermella, levan un cinto con campanas e o seu repicar soa en toda a vila, para anunciar a súa chegada.

A figura protagonista do Entroido en Vilariño de Conso é o Boteiro. A súa presenza inunda de cor e tradición as rúas da localidade e trátase dun dos entroidos máis antigos e arraigados.

Os Volantes portan unha máscara feita con papeis de periódico e un vistoso cinto con 25 campaíñas. Van acompañados polos seus defensores, os maragatos, que levan látego para afastar a quen lles interrompe a marcha.

Eiroás recuperou no 2004, a máscara tradicional do entroido:

A Pita. Por diante é arlequinada en branco e negro, e por detrás leva un debuxo representativo da natureza. Sobre un casco érguese o pescozo coa crista da ave en cor vermella, e plumas de cores.

Xoves de entroido

 Hoxe, coma pezas dun taboleiro de parchís, vestímonos dunha soa cor. Houbo moita variedade: vermello, negro, verde, amarelo, branco... Neste vídeo tedes algúns exemplos.

Ata aquí os mandadiños da nosa mascota da biblioteca. Mañá teremos o desfile cos disfraces, baile, música e diversión.

Mércores de Entroido

 Neste mércores entroideiro rímonos cos disfraces na testa.

Tedes ansia de saber que nos propón mañá Leo León? "Se o xoves queres rir, dunha soa cor terás que vir". Agardámosvos!

Entroido e Carnival!

Nas clases de Primaria, os nenos e nenas do cole aproveitan as horas de Plástica Bilingüe para ampliar e afianzar vocabulario een lingua inglesa ao mesmo tempo que crean preciosas caretas. Bo traballo!

Día de Rosalía de Castro

 Hoxe conmemoramos o Día de Rosalía de Castro, o 23 de febreiro, auténtica data de nacemento da poeta. O alumnado de 3º e 4º  de Primaria, agasállannos cantando "Negra sombra", poema que representa a soidade, a angustia e a tristeza da súa autora, xa que sufriu moito durante a súa vida. 

Negra sombra, pertence ao segundo libro de poemas en galego de Rosalía de Castro, Follas Novas, publicado en 1880. Foi musicado por Xoán Montes. Aquí a versión de Carlos Núñez e Luz Casal.

Negra sombra

Cando penso que te fuches,
Negra sombra que m'asombras,
Ô pe d'os meus cabezales
Tornas facéndome mofa.
   Cando maxino qu'ês ida
N'o mesmo sol te m'amostras,
Y eres a estrela que brila,
Y eres o vento que zóa.
   Si cantan, ês tí que cantas,
Si choran, ês tí que choras,
Y-ês o marmurio d'o rio
Y-ês a noite y ês a aurora.
   En todo estás e ti ês todo,
Pra min y en min mesma moras,
Nin m'abandonarás nunca,
Sombra que sempre m'asombras.

Scape room no día de Rosalía de Castro.

Un scape room é un xogo no que un grupo de persoas permanecen encerradas nunha sala ata que resolvan un enigma ou esgoten o tempo marcado.

En 5º de Primaria, hoxe, fixeron un scape room virtual no que tiñan que pescudar datos da vida e da obra de Rosalía de Castro. Unha vez máis, os nenos e nenas demostran que a nosa cultura e tradición son perfectamente compatibles coa tecnoloxía.

En Educación Infantil, traballan a Rosalía pintando a súa cara, de diferentes cores.

Martes de Entroido 2022

 Hoxe houbo unha grande expectación coas coliñas que trouxemos, de tódolos tamaños e cores.  Que divertido é cando todo o mundo participa!

Non vos esquezades de asistir ao desfile este venres, ás 10:30h e lembrade que mañá Leo León ordena traer algo na testa. Adiante a orixinalidade!

Luns de entroido

Hoxe pasámolo pipa cos pantalóns do revés. Podedes ver no vídeo o ben que lucíamos.

E atentos ao seguinte mandadiño. Mañá... quen se atreve vir cunha cola?

Este venres 25 de Febreiro celebrarenos o entroido no CEIP Plurilingüe Feliciano Barrera, cun pequeno desfile pola nosa contorna. Por suposto estades todos convidados e convidadas a vir e daremos un punto positivo a quen veña disfrazado! Animádevos!

TERCEIRAS QUENDAS DAS MOCHILAS VIAXEIRAS

 As mochilas continúan de viaxe, fomentando a lectura con historias e viaxes fantásticas! Agardan ese contacto colaborativo coas familias e os lectores e lectoras da Biblioteca Leo León, que de seguro desfrutarán nas súas casas.

Novo proxecto en 5º de Primaria.

 O alumnado de 5º de primaria tivo unha experiencia moi agradable ao estudar as comunidades e as provincias de España. A profe Tamara deseñou unha viaxe pola xeografía española, baseada na investigación: climas, bandeiras, linguas oficiais, bailes tradicionais, pratos típicos... e atrevéronse coa muiñeira!

Mandadiño luns de entroido

 Chega o entroido ao cole e como cada ano, ao longo desta semana, Leo León ordena cumprir cos seus mandadiños. Este luns...

"Se o luns queres lucir, cos pantalóns do revés terás que vir".

Quentando motores!

Medir, cortar, coser, probar... é o que fan os nenos e nenas do Feliciano Barrera para ter a punto os seus disfraces o día 25. Todo un reto! Aí ven o entroido e festa rachada @s nen@s na escola faremos foliada!