Aimee, unha muller e unha historia marabillosa! Thank you!

Non temos palabras para describirmos o que nós sentimos despois de escuitar a historia da nosa querida Auxiliar de Conversa, Aimee.

Vietnamita de nacemento, tivo que emigrar e ser unha refuxiada por mor da guerra do seu país. Estivo durante anos pendente dun bunker que construíu seu pai na súa casa para protexerse das bombas e da barbarie.

Estudou, estudou e estudou e logrou o seu soño: enxeñeira, respectada por homes e mulleres, presidenta dunha fundación-ONG "Vietnam Fundation" que mellora as condicións de vida dos nenos e nenas do Vietnam.

Muller libre!

Todo iso e máis nos amosou hoxe nunha charla inesquecíbel.

Thank you for all, Aimee, you´re also the future!

Novidades do mes do Marzo na biblioteca do cole

Novas de Nepal

Esta semana chegaron cartas dos nosos amigos e amigas de Nepal. É moi emocionante recibir correo postal, e máis se ven dende tan lonxe. Tamén é unha boa oportunidade para practicar o noso inglés. Agora, toca traballar nas nosas cartas de resposta!

           

Club de lectura

Este xoves as nenas e nenos de 5º de Educación Primaria reuníronse na biblioteca para desenvolver unha das sesións programadas do Club de Lectura. Están lendo o libro “O que nunca che contaron”, de María Canosa. Compoñen o libro seis historias co denominador común da maxia e da ilusión. Xa nos contarán que lles pareceu!

Día da muller

A biblioteca do CEIP Feliciano Barrera xa está preparada para ofrecer ós nenos e nenas documentación relacionada co día da muller e con grandes heroínas ó longo da historia. Durante toda a semana levaremos a cabo diferentes actividades. Estade atent@s!

Nova xornada de deporte escolar

O luns 2 de marzo os nenos e nenas de 5º e 6º de Educación Primaria asistiron a unha nova sesión de Deporte Escolar. Nesta ocasión practicaron o bádminton nas instalacións do pavillón Álvaro Pino, en Ponteareas.

O CEIP Feliciano Barerra reforesta San Cibrán

O pasado venres, 28 de febreiro, o alumnado do noso colexio participou na reforestación do monte de San Cibrán. Plantamos carballos e nogueiras. Pasámolo moi ben e aprendimos moitas cousas sobre a riqueza e a importancia dos montes e de mantelos en bo estado.

Taballo de investigación sobre o reino animal

Os nenos de 3º fixeron a clasificación do reino animal. Foi un traballo por equipos e empregaron a biblioteca para a investigación (libros, ordenadores e tablets)