Igual: Adxectivo. (Persoa, cousa) que ten o mesmo valor, dimensión, estrutura, natureza, calidade, etc., que outra. Esta é a definición que a Real Academia Galega ofrece para a palabra igual, tan sinxela e complicada ao mesmo tempo. Este día, un ano máis, tinguimos o colexio de violeta para defender a igualdade entre nenos e nenas e lembrar que aínda existen demasiados lugares onde ser muller supón unha desvantaxe.
Este ano centramos as actividades en dar visibilidade ás achegas das mulleres ao longo da historia e na súa aparición na prensa escrita. Para iso mercáronse diferentes xornais para as aulas. No seguinte vídeo podedes ver os diferentes murais feitos en Infantil e Primaria, un traballo de biografías de mulleres relevantes, as mulleres da miña vida en Infantil e o conto de Rosa Caramelo, os lazos cor violeta que luciron todos e todas no colexio.
Nas seccións bilingües reivindican o Día da Muller vitoreando: "International Women's Day!".
Ningún comentario:
Publicar un comentario