martes, 4 de xuño de 2019

Proxecto "Os volcáns"

Así fixemos os nosos volcáns: Primeiro, pedímoslle unas taboas de madeira ao pai de Lucas. Dividimos a clase en catro grupos e  puxemonos mans á obra. Logo, suxeitamos a botella dun litro de auga á taboa con cinta de carroceiro. A forma era unha pirámide. Logo reechemos os buratos con bolas de xornal. Despois fixemos o engrudo con auga temperada, cola branca e fariña. Fixemos anaquiños de xornais, metímolos no engrupo e pegámolos na estructura do volcán. Puxemos tres capas e deixamos secar tres días cada capa. Por último pintámolo con témpera e rematamos cunha capa de barniz. Co volcán rematado, botamos dentro da botella vinagre, colorante alimenticio de cor vermella e amarela e por último botamos bicarbonato. De seguido o volcán entra en erupción. Bruuuuummmmmmm!!!!!!!!!!!

mércores, 29 de maio de 2019

Visita de Paula Carballeira

Onte visitounos a escritora, contacontos e actriz galega Paula Carballeira. Foi unha honra poder contar con ela na nosa biblioteca. Con anterioridade os nenos mercaron o seu libro"Bruxa e familia", lérono, uns nas súas casas e outros na hora de lectura xunto aos seus compañeiros e deleitáronse escoitando as súas historias fantásticas. Ademais os nenos levaron o seu libro dedicado.

martes, 21 de maio de 2019

Día das letras galegas "Antonio Fraguas Fraguas"

Este ano o equipo de Normalización lingüística, organizou una actividade que consistía en vestir a dous maniquís, co traxe galego, utilizando todas as súas partes. Nela participamos todo o colexio. Y para seguir a festa, gozamos cun home orquestra "Cé orquestra pantasma", que fixo as delicias dos nenos/as, tocando unha chea de instrumentos e facendo cantar e bailar a todo o público infantil e non tan infantil.

LETRAS GALEGAS 19 from Radio Televisión Leo León on Vimeo.

mércores, 15 de maio de 2019

Saudamos á primavera cun taller de Hervé Tullet

Este ano a biblioteca Mercou un libro moi interesante para o profesorado,titulado: "Diviértete: talleres de arte con Hervé Tullet”. Na aula de 3º de primaria, a titora levou a cabo un destes talleres e o resultado foi espectacular, así como a reacción dos nenos durante a hora e 30 minutos que durou o taller.

martes, 7 de maio de 2019

O xogo na arte

Os nenos de 3º de primaria fixeron un proxecto sobre os xogos na arte, que forma parte do proxecto  proposto pola biblioteca do cole titulado "os xogos" e que se  leva a cabo nas diferentes aulas. O proxecto resultou moi interesante e grazas a este proxecto os nenos do cole puideron coñecer máis de preto ao pintor Holandés Pieter Brueghel e ao seu cadro titulado "Xogo de nenos". Os nenos traballaron moito e moi ben. Noraboa

Vídeo da presentación

venres, 3 de maio de 2019

Concurso de carteis

Este ano fixemos un concurso de carteis feitos en familia para animar aos compañeiros a ler.
Todos os participantes tiveron un agasallo.

xoves, 2 de maio de 2019

mércores, 1 de maio de 2019

Video da semana do libro

As aulas do cole homenaxearon aos libros e contos na semana do libro,a través dun fermoso video gravado por todos os nenos do cole

martes, 30 de abril de 2019

Compartir poesía é comezar ben o día!!

Durante a semana do libro comezamos todos os días recitando poesías. A actividade foi voluntaria.Houbo moitos nenos/as que quixeron recitar poemas. Foi moi bonito comezar a mañá desta maneira.

venres, 26 de abril de 2019

Contacontos na semana do libro

O contacontos está baseado no audioconto Cantamos? do que Celtia é autora dos textos e forma parte das voces dos audiocontos. Trátase dun espectáculo de monicreques onde Rosi, que é una gran fan da música e dos contos, fai de fio condutor para contar diferentes historias: os tres porquiños, o gato con botas...

venres, 29 de marzo de 2019

domingo, 24 de marzo de 2019

En abril ... libros mil

Anímate e participa no concurso de carteis para a semana do libro. Esta será do 23 ao 30 de abril.
Os carteis estarán expostos na biblioteca e outros lugares do cole. É importante que respectedes a data de entrega do cartel. Xa sabedes, buscade unha frase orixinal para animar aos nenos do cole para ler. Data límite de entrega o 8 de abril.


luns, 18 de marzo de 2019

Semana da poesía

 

Xogos de mesa

Os nenos de 6º de primaria fixeron un proxecto sobre os xogos de mesa, que forma parte do proxecto  proposto pola biblioteca do cole titulado "os xogos" e que se  leva a cabo nas diferentes aulas. Despois do proxecto os nenos xugaron durante os seguintes 7 días cos demais nenos do cole ensinándolles a xogar aos diferentes xogos.
 
 

Resumo fotográfico da semana da muller e da prensa

Día da muller e semana da prensa


 
Para conmemorar o día da muller e a semana da prensa, leváronse a cabo una serie de actividades ao longo da semana. Nelas os nenos fixeron de reporteiros e entrevistaron ás nosas convidadas ao final das súas exposicións. Foi una semana moi interesante para todas e todos.
Este foi o programa.

sábado, 16 de marzo de 2019

Entroido na biblioteca

Ao longo de dúas semanas estivemos decorando antifaces na biblioteca. Utilizamos pinturas, rotuladores, pompóns, plumas, corazóns e moita moita brillantina. Gozamos moito nos recreos

martes, 12 de marzo de 2019

Día da árbore

Hoxe en San Cribrán aprendemos o valor das árbores nas nosas vidas e  plantamos pradairos, nogueiras, carballos e bidueiros.
Ademais, a cada árbore puxémoslle o nome dunha muller científica.
Por un monte vivo!


Día da árbore from Radio Televisión Leo León on Vimeo.

venres, 8 de marzo de 2019

"Pepuka e o monstro que lle roubou o seu sorriso"

O alumnado de 5º de primaria da Escola Pública Feliciano Barrera (Guláns, Ponteareas), comprometido contra a violencia machista, transmite unha mensaxe de esperanza e apoio a todas as mulleres que algún día perderon o seu sorriso, a través da representación da adaptación do libro "Pepuka y el monstruo que le robó su sonrisa" de Estela Moreno, autora á que tiveron a sorte de coñecer e disfrutar no centro.

Pepuka e o monstro que lle roubou o seu sorriso from Radio Televisión Leo León on Vimeo.

Entroido 2019

Dentro do proxecto anual de centro e da biblioteca "Os xogos", aquí vos deixamos unha reportaxe fotográfica da celebración do Entroido na nosa escola.
Vídeo do Entroido! from Radio Televisión Leo León on Vimeo.

xoves, 28 de febreiro de 2019

Mandadiño xoves


E hoxe o noso cole encheuse de leóns,
Leo león quedou abraiado!
Moitísimas grazas fermosos leóns!











 











 
















E mañá...comeza O ENTROIDO!!

Vinde con ganas de pasalo xenial!!

martes, 26 de febreiro de 2019

Mandadiño martes

E aquí temos as fotos do martes, 
que guapos estamos todos, 
 Leo León está tan contento 
 grazas amigos!



luns, 25 de febreiro de 2019

Mandadiño luns

E aquí temos as fotos do mandadiño de hoxe
Que orellas máis orixinais!







 




E mañá, martes...





domingo, 24 de febreiro de 2019

O mandadiño do luns

 
 

Día de Rosalía

 
O 24 de febrero conmemoramos o día de Rosalía. Vimos una pequeña película feita polo alumnado do CEIP Ría de Burgo de Culleredo, no que  contaban como foi a vida de Rosalía de Castro. Logo, por grupos fixemos unas fotos moi simpáticas con textos dela




luns, 18 de febreiro de 2019

14 de febreiro: día do amor e da amizade

Este curso tivemos a sorte de contar coa colaboración e a iniciativa de dúas alumnas que ademáis son axudantes de biblioteca, para deseñar unha actividade para este día. Todo comezou cunha carta redactada por elas e dirixida aos nenos do cole. A resposta non se fixo esperar. A Caixa de correos de Leo León encheuse de amor e amizade. E por último os axudantes da biblioteca encargáronse de repartir todas estas mensaxes de amor e amizade por todo o cole.

domingo, 17 de febreiro de 2019

Máis do día da Paz

Durante unha semana a biblioteca tivo un taller titulado "Mans e pombas para a Paz". O día da Paz fixemos unha árbore enorme coas mans de todos os nenos do cole simbolizando a unión entre todos nós. Tamén colgamos por toda a biblioteca pombas da Paz con mensaxes e palabras relacionadas coa Paz. Ao longo da semana anterior tamén buscamos cualificativos para catro nenos/as do colexio que nos tocaron en sorteo. O dia da Paz buscámoslles e pegámoslles eses cualificativos. Foi unha actividade moi bonita. E por último, formamos equipos mesturando todos os grupos desde infantil ata sexto e organizamos uns xogos moi moi divertidos. Foi un día moi especial.

xoves, 10 de xaneiro de 2019

O club de lectura de 5º de primaria

Un club de lectura está formado por un grupo de lectores que se reúnen cunha periodicidade establecida para comentar un libro que todos leron, sexa o libro completo, algún capítulo ou un número de páxinas estipulado de antemán. Onte, na nosa biblioteca creouse un club de lectura formado por 15 alumnos de 5º que voluntariamente se apuntaron. Desde a biblioteca pretendemos que os nenos lean polo pracer de ler e ademais que sexan capaces de valorar e criticar o que len. Todo isto escoiando outras opinións, as dos seus compañeiros, valorándoas e respetándoas.